L'Aeropuertu internacional de Nanning-Wuxu ye un aeropuertu que sirve a la ciudá de Nanning, la capital de la rexón autónoma de Guangxi na República Popular China. Asítiase 32 km al suroeste del centru de la ciudá. L'aeropuertu foi construyíu en 1962 y reformáu en 1990. Con 178 000 m² de plataforma, 33 470 m² d'espaciu terminal y seis pasareles d'accesu, foi diseñáu pa remanar 2,5 millones de pasaxeros al añu. En llegando a 1 millón de pasaxeros nel añu 2002, el númberu de pasaxeros aumentó a 2 millones en 2006. En 2013, 8,2 millones de pasaxeros utilizaron esti aeropuertu.
Historia Mientres la Segunda Guerra Mundial, l'aeropuertu yera conocíu como l'aeródromu de Nanning y foi utilizáu poles Fuercies Aérees del Exércitu de los Estaos Xuníos como parte de la Campaña Defensiva de China (1942–1945). Foi utilizáu principalmente por unidaes de reconocencia, qu'operaben P-38 Lightning desarmaos pa reconocencia fotográfica, llogrando intelixencia sobre territoriu xaponés que darréu yera usada por unidaes de combate. Tamién operaben dacuando dende l'aeródromu, destacamentos d'escuadrones de caza y bombardéu, amás de ser un puntu de suministru pal 2ᵘ Escuadrón de Carga, que refundió suministros y municiones a les fuercies terrestres nes llinies del frente. A la fin de la guerra, tamién tresportaron homes, caballos y mules al campu d'aviación. Los americanos cerraron les sos instalaciones a fines d'ochobre de 1945.Maurer, Maurer. Air Force Combat Units of World War II. Maxwell Air Force Base, Alabama: Office of Air Force History, 1983. ISBN 0-89201-092-4
Aereollinies y destinos Pasaxeros
Carga
Referencies
Enllaces esternos
Páxina web oficial
Categoría:Aeropuertos de China