L'Aeropuertu Nacional de Kálimnos (en griegu: Κρατικός Αερολιμένας Καλύμνου; IATA: JKL, ICAO: LGKY), tamién puede atopase como Aeropuertu Nacional de la Islla de Kálimnos, ye un aeropuertu qu'opera na islla de Kálimnos. Ta asitiáu a pocos quilómetros de la capital de la mesma, Pothia (O Pothaia). Lleva operando dende'l 9 d'Agostu de 2006.https://web.archive.org/web/20120531235536/http://www.hcaa-eleng.gr/kalymnoshist.htm Mientres l'iviernu, los vuelos que lleguen al aeropuertu son cuasi toos vuelos de carga, quitando les llinies regulares.
Historia
Yá nel añu 1987 presentóse'l proyeutu del aeropuertu, pero nun foi hasta l'añu 1989 cuando se dio lluz verde a la construcción del mesmu. Ente 1996 y 1998 construyéronse les pistes de los aviones y tolos elementos necesarios pa l'aviación; y ente 2004 y 2006 construyóse la terminal pa pasaxeros. El 9 d'agostu de 2006, llegó'l primer avión al aeropuertu.
Vuelos
Los únicos vuelos que lleguen al aeropuertu de la islla lleguen dende Atenes y Astipalea,https://web.archive.org/web/20080409233045/http://www.hcaa-eleng.gr/kalymnosdat.htm operaos por Olympic Air.
Horariu d'apertura
Día Horariu Llunes 07:00 - 11:00 y 13:30 - 17:30 Martes 07:00 - 11:00 y 13:30 - 17:30 Miércoles 12:30 - 17:00 Xueves 13:30 - 18:00 Vienres 07:00 - 11:00 y 13:30 - 17:30 Sábadu 12:30 - 17:00 Domingu 13:30 - 18:00
Establecimientos y facilidaes
L'aeropuertu cunta con restoranes, cafeteríes, tiendes duty free, un bancu, un botiquín, una farmacia, ramples y baños pa minusválidos, párking, oficines de reclamaciones y equipaxes perdíos; y estación de policía. L'aeropuertu solo tien una cinta pa recoyer les maletes al salir del avión.
Cómo llegar al aeropuertu
Puede llegase al aeropuertu por autobús con un ticket, con un costu de 0,45€, anque namái operen pel branu. Otra opción son los taxis.
Referencies
Categoría:Aeropuertos de Grecia Categoría:Kálimnos Categoría:Archipiélagu del Dodecaneso
Categoría:Wikipedia:Páxines con enllaces interllingüísticos