L'Aeródromu Teniente Rodolfo Marsh Martin perteneciente a Chile ye'l más septentrional de los aeródromos de L'Antártida. Tópase allugada na península Fildes de la islla Rei Xurde nes Shetland del Sur. Sirve a la Base Presidente Eduardo Frei Montalva, qu'inclúi'l nucleu poblacional de Villa Las Estrellas, pero tamién a otres bases asitiaes na islla y na rexón cercana.
L'aeródromu foi inauguráu'l 12 de febreru de 1980 col aterrizaxe de dos aviones Twin Otter procedentes de Punta Arenas.Chile Collector El nome recuerda a Rodolfo Marsh Martin (1908-1937), quien entamó en 1935 xunto al capitán Carlos Abel la Llinia Aérea Esperimental a Magallanes, y morrió nun accidente aereu.toponimia-y-onomastica-de-les bases-antarticas-chilenes/ INACH. Paséu pola toponimia y onomástica de les bases antártiques chilenes La base aérea foi inaugurada'l 17 de marzu de 1980.
L'aeródromu tien cinco pequeños edificios, incluyendo un hangar y la torre de control, y un área pequeña p'aparcamientu y allistamientu de los aviones. Trátase d'un aeródromu de calter públicu.
El 25 de febreru de 1992 un avión CASA 235M-100 del Exércitu de Chile con 11 persones a bordu estrellóse nel aeródromu. Nun hubo muertos nin mancaos, pero l'avión quedó inutilizable.Aviation Safety Network
L'Aeródromu Marsh Martin ye unu de los trés de L'Antártida que tien pista de grava, los otros dos son Marambio (d'Arxentina) y Rothera (del Reinu Xuníu).
Esti aeródromu foi consideráu nel añu 2011 como unu de los aeródromos más difíciles p'aterrizar en Chile.Pilotos faen el ranking de los aeródromos más difíciles de Chile
Ver tamién Llista d'aeropuertos de Chile
Enllaces esternos
Aeródromu Teniente Rodolfo Marsh Martin n'Internet Flight Information System Simtours Airport record for Aeropuertu de Teniente Rodolfo Marsh Martin en Landings.com
Referencies
Categoría:Aeródromos de L'Antártida Categoría:Base Presidente Eduardo Frei Montalva