Nadsat ye una xíriga xuvenil inventada pol llingüista, novelista y compositor Anthony Burgess pa la so novela La naranxa mecánica. Ésta toma gran parte de los sos términos de los llinguaxes eslavos, sobre manera del idioma rusu y dalguna pallabra de la llingua xitana . Foi popularizada pola versión cinematográfica de Stanley Kubrick. Na película realiza una depuración y adautación de los términos pa facilitar la comprensión de los espectadores.
Nesta xíriga un individuu yera un "cheloveco", una moza yera una "débochca" o una "ptitsa"; los amigos d'Alex yeren los sos "drugos"; la cabeza yera la "golová" o "quijotera"; la lleche, "moloco"; la voz yera la "llambiona", "rota" yera la boca, "glasos" o "vidrios" a los güeyos, "ruca" la mano y "noga" la pierna. Los policías yeren "militsos", un fuerte golpe "butcharnó"; el sacerdote yera "chaplino" y "Bogo" Dios. La mesma pallabra "nadsat" significa "adolescente". En realidá "nadsat" ye l'equivalente rusu del "teen" inglés: en rusu, tolos nomes de los númberos de 11 a 19 terminen en "nadsat"; análogamente n'inglés, tolos nomes del númberu 13 al 19 terminen en "teen".
Por cuenta de la influencia de la película, dalgunes d'estes pallabres usaron dalgún tiempu ente los mozos de la dómina, anque de forma bien llindada, y nun terminaron de calar nel llinguaxe popular.
Pal autor, una llectura ordenada del llibru yera como «un cursu de rusu curioso programáu», y el llibru na so edición orixinal nun incluyía glosariu.
Referencies
Categoría:Llingües ficticies Categoría:Xírigues ficticies