Telemadrid (nel logo s'estiliza como TeleMadrid) ye una canal de televisión español d'ámbitu autonómicu qu'emite na Comunidá de Madrid. Pertenez a la radiodifusora pública Radio Televisión Madrid (RTVM) y forma parte de la FORTA. Trátase del quintu canal autonómicu instaurao n'España, y del terceru más antiguu na provincia madrilana dempués de La 1 y La 2.
Historia
Antecedentes Los oríxenes de Telemadrid se remonten al 30 de xunu de 1984, fecha de fundación del Ente Públicu Radio Televisión Madrid (RTVM). Esta radiodifusora pública, dependiente de la Comunidá de Madrid, foi creada por orde del presidente Joaquín Leguina a semeyanza de les que yá esistíen n'otres comunidaes autónomes como Cataluña (TV3) y País Vascu (ETB), y dende'l 19 de febreru de 1985 xestionaba la radio Onda Madrid. La capital namái podía sintonizar la primer y segunda canal de Televisión Española (TVE).
El direutor xeneral de RTVM, Jorge Martínez Reverte, presentó en 1987 un plan de viabilidá pa establecer la canal de televisión madrilanu «TM-3», amparáu na Llei de la Tercer Canal, que la so programación se basare n'informativos rexonales, series ya intercambios col restu de canales autonómiques de la FORTA. El proyeutu viose retrasáu polos desalcuerdos sobre ónde tenía d'asitiase la sede social. Como solución provisional, RTVM llegó a un alcuerdu cola axencia EFE p'arrendar les sos instalaciones.
N'ochobre de 1988 produciéronse los nomamientos na direición de Pedro Erquicia y Baltasar Magro, y n'abril del añu siguiente confirmóse que la nueva canal llamaríase «TeleMadrid».
Llanzamientu (1989-1991) Les primeres emisiones de Telemadrid tuvieron llugar el 2 de mayu de 1989, festividá de la Comunidá de Madrid. La nueva señal podía sintonizase en dos frecuencies d'UHF: la canal 51 (Torrespaña) y la canal 41 (Navacerrada). A partir de les 17:45 hores, l'actriz Isabel Prinz dio la bienvenida a los espectadores y convidábalos a ver la programación del día: una corrida de toros dende Las Ventas, un documental y la película Ben-Hur. El llanzamientu se fizo con tan solu 28 trabayadores, entá nun se completara la convocatoria pública de contratación. Dende mayu hasta setiembre hubo emisiones en pruebes con películes, teleseries, Conciertu y retresmisiones deportives, too ello con una plantía cercana a los 100 emplegaos. miniaturadeimagen|250x250px|Javier Reyero foi presentador de deportes nel primer Telenoticies, y tuvo trabayando en Telemadrid hasta 1999. El 2 d'ochobre de 1989 entamaron les emisiones regulares, con una programación dende les 18:00 hores hasta la medianueche. Esi día estrenaron los espacios de producción propia: l'informativu Telenoticies (editáu por Vicente Vallés y presentáu por Hilario Pino, Fernando Olmeda, Beatrice Sartori y Javier Reyero) y el concursu cultural Pasacalle (por Curru Castillo), acompañaos de cine, series estranxeres y les retresmisiones de la Lliga de Fútbol Profesional. A partir de mayu de 1990 introducióse programación mañanera, incluyendo dos ediciones de Telenoticies (14:30 y 20:30) y les primeres coproducciones de la FORTA.
Nesi tiempu Telemadrid destacó polos sos servicios informativos, baxo la direición de Fermín Bocos, qu'entá centrándose na actualidá de Madrid nun arrenunciaron a los grandes acontecimientos, ente ellos dos especiales sobre la cayida del muriu de Berlín y la guerra del Golfu. La nueva canal dio cabida a nuevos periodistes y presentadores que más tarde daríen el saltu a la televisión nacional; amás de los yá citaos, destaquen los nomes d'Ana Blanco, Susana Pfingsten, Alipio Gutiérrez, Teresa Castanedo, Alfonso García y José Joaquín Brotons.
Sicasí, los principios tamién tuvieron marcaos por una grave crisis institucional y financiera, por cuenta de les disputes polítiques y al costu d'arriendu de la sede d'EFE. La llegada de les nueves televisiones privaes —Antena 3, Telecinco y Canal+— obligó a Telemadrid a replantegar el so modelu públicu.
Afitamientu (1992-1997) esquierda|miniaturadeimagen|240x240px|Juanma López Iturriaga presentó Inocente, inocente, unu de los primeros ésitos d'audiencia de Telemadrid. En 1992, cola llegada de José Miguel Contreras a la direición de programes, Telemadrid anovó tanto la so imaxe corporativa como tola programación, apostando por trés xéneros: espacios propios, informativos y deportes. La franxa mañanera dedicala al serviciu públicu, mientres que'l Telenoticies vio aumentada la so duración al incluyir seiciones d'información llocal. Estrenáronse nuevos programes d'entretenimientu como Amor a primera vista (con María Barranco), Luna de miel (Mayra Gómez Kemp), Chantatachan (con Juan Tamariz), Inocente, inocente y El Friqui (con Juanma López Iturriaga), y La nueche muévese, presentáu por El Gran Wyoming y pioneru de los late night n'España. A lo último, na franxa de tarde s'incluyeron series xuveniles, ente elles Dragon Ball, Roseanne y Parker Lewis nunca pierde.
A partir de 1993, Telemadrid apostaría pola información de proximidá como símbolu distintivu. El 20 de setiembre d'esi añu entamaron les emisiones de Madrid directo, creáu por Ricardo Medina y presentáu por Inmaculada Galván. Con un formatu basáu en reportaxes y conexones en directu, Madrid directo foi pieza clave de la programación vespertina mientres 20 años, asina como cantera de cares televisives como Santi Acosta, Jaime Bores, Emilio Pineda, Toni Garrido y Paloma Ferre ente otros. Tamién s'estrenó Sucedió en Madrid, especializáu en socesos mientres más d'una década, y en 1994 anició'l magacine mañaneru Buenos días, Madrid y el programa deportivu Fútbol es Fútbol. Gracies a estes novedaes, Telemadrid asitiaríase como tercer canal más visto en Madrid con un share del 21%.
Madrid Directo foi gallardoniáu en 1997 col Premiu Ondas de Televisión al «meyor programa especializáu».
La llegada d'Alberto Ruiz-Gallardón a la presidencia de la Comunidá en 1995 nun supunxo un cambéu significativu na llinia editorial. Anque'l Partíu Popular propunxo privatizala pa amenorgar la so delda, nun pudo consiguilo poles llimitaciones de la Llei de la Tercer Canal. El nuevu presidente de RTVM, Juan Ruiz de Gauna, caltuvo parte del equipu anterior, asumió la construcción de la nueva sede de RTVM en Pozuelo de Alarcón, ya introduxo más programes d'entretenimientu, siendo los más esitosos Hablando con Gemma (Gemma Nierga, 1996), el magacín Con T de tarde (Terelu Campos, 1997), el Late night show Sola en la ciudad (Cristina Tárrega, 1998) y el programa de corazón Mamma Mía (Víctor Sandoval y Francine Gálvez, 1999).
Ente les collaboraciones de la FORTA destacaría la llegada de Tómbola, producíu pola valenciana Canal Nou. L'espaciu presentáu por Ximo Rovira foi bien criticáu como paradigma de la «telebasoria», pero lideraría les audiencies na nueche de los vienres hasta la so retirada en 2001.
Cambéu de see (1997-2003) miniaturadeimagen|227x227px|En 1997 foi inaugurada la sede de Telemadrid en Pozuelo de Alarcón.
El 6 de mayu de 1997 tuvo llugar la ceremonia d'inauguración de la sede central na Ciudá de la Imaxe de Pozuelo de Alarcón na que tuvo presente l'entós Príncipe d'Asturies Felipe de Borbón y el presidente rexonal Alberto Ruiz-Gallardón. La nueva instalación, con 27.000 metros cuadraos construyíos y cuatro estudios de televisión, dexaba aforrar más de 2000 millones de pesetes al añu en costos d'arriendu. El costu total del treslláu de cifra en más de 4000 millones de pesetes. A lo último, nesi mesmu día púnxose en marcha'l sitiu web de la empresa.
A finales de 1997, Telemadrid constituyó xunto con Caja Madrid y la Canal d'Isabel II la sociedá productora «Multipark Madrid», que'l so oxetivu yera xestionar derechos audiovisuales, venta de publicidá y servicios de televisión per cable. Amás de la canal internacional Telemadrid SAT, llegaría a controlar trés canales temátiques per Vía Digital: Canal Cocina, Ella TV y Tribunal TV. Sicasí, el fracasu comercial de Vía Digital llevólos a entornase na televisión dixital terrestre: el 1 d'ochobre de 2000 Telemadrid entamó a emitir nesi sistema, y un añu más tarde llanzó la segunda canal «LaOtra», dedicáu a la cultura y formatos alternativos.
En setiembre de 2001, Telemadrid anovó la so imaxe corporativa y programación. Primeramente'l direutor de RTVM, Francisco Giménez Alemán, ordenara la retirada de Tómbola y Gente con chispa, los sos dos programes de mayor audiencia. En total hubo 22 estrenos namái mientres esa temporada, y el share medio pasó del 20% (1999) al 17,1% (2003). Sicasí, dellos terminaríen convirtiéndose n'emblemes de la cadena: Mi cámara y yo, impulsáu por Elena Sánchez, supunxo l'entamu de los documentales de telerrealidad na televisión española; el talk show Ésta es mí gente sirvió pa rellanzar la carrera de Jesús Vázquez, y Me lo dices o me lo cuentas de Lorena Berdún marcó la recuperación de los espacios de sexoloxía.
Per otru llau, el Telenoticies —empobináu entós por Alfonso García— foi gallardoniáu col Premiu Iris de l'Academia de Televisión pola so cobertoria de les manifestaciones contra la invasión d'Iraq de 2003 y pola comisión d'investigación del Tamayazo. Otru importante trabayu foi la cobertoria de los atentaos del 11 de marzu de 2004.
Década del 2000 esquierda|miniaturadeimagen|230x230px|Plató de Telenoticies en 2011.
A mediaos de la década de 2000 produciéronse notables cambeos en Telemadrid, tanto na so programación como na llinia editorial. En 2004, la nueva presidenta de la Comunidá de Madrid, Esperanza Aguirre, nomó direutor de RTVM al so anterior xefe de prensa, el periodista Manuel Soriano, coles mires de convertir la canal nun referente d'información política nacional. Ente otres midíes aumentaron les ediciones del Telenoticies, incluyendo un informativu d'autor na medianueche (Diario de la noche) baxo la edición primero de Germán Yanke, y darréu de Fernando Sánchez Dragó y Ana Samboal. Dalgunos de los presentadores más importantes d'esa etapa son Sandra Barneda, Julio Somoano, Luis Mariñas y Víctor Arribas, toos ellos nueves incorporaciones. Tamién hubo una medría de los reportaxes n'horariu estelar ya incluyéronse alderiques políticos.
Amás de los informativos, hubo nuevos espacios que na so mayoría foron confiaos a productores. Ente 2004 y 2006 llegaron a estrenase más de 30 programes, de los cualos namái consolidáronse trés: El debate Alto y Claro (Curri Valenzuela y Isabel San Sebastián), el concurso Metro a Metro (Javier Capitán) y Madrileños por el mundo (Paloma Ferre). L'españíu de la crisis económica y la situación interna de Telemadrid amenorgaron la producción propia a media seña a partir de 2008. RTVM llegó a poseyer una delda de 260 millones d'euros ente la cayida de la facturación publicitaria y los defectos na xestión, pola que terminaría efectuándose un ERE en 2012 que supunxo'l despidu de 861 trabayadores.
Nesi periodu, Telemadrid esperimentó una notable cayida n'audiencies que la direición achacó a trés factores: el refugu de l'audiencia a una nueva programación «menos comercial», l'apaición de competencia privada (especialmente Cuatro y LaSexta), y la perda de los derechos de primer División. El comité d'empresa, pela so parte, aseguraba que se debíen a casos de manipulación informativa.
El 17 de febreru de 2010 entamaron les emisiones de Telemadrid HD, la señal n'alta definición.
Crisis de Telemadrid