La estación d'El Caleyu ye una estación de ferrocarril asitiada nel conceyu d'Uviéu, nel Principáu d'Asturies. Forma parte de les llinies C-1 y C-2 de cercaníes Asturies.http://www.renfe.com/viajeros/cercanias/asturias/lineas/index.html
Historia La estación foi abierta al tráficu'l 23 de xunetu de 1874 cola puesta en marcha del tramu La Pola-Xixón de la llinia que pretendía xunir Llión con Xixón. La construcción foi obra de la Compañía de los Ferrocarriles d'Asturies, Galicia y Llión creada para siguir coles obres empecipiaes por Noroeste, anterior titular de la concesión. Sicasí la so situación financiera nun foi muncho meyor que la de la so antecesora y en 1885 acabó siendo absorbida per la Compañía de los Caminos de Hierro del Norte de España. En 1941, la nacionalización del ferrocarril n'España supunxo la desapaición d'esta postrera y la so integración na acabante crear RENFE.
Dende'l 31 d'avientu de 2004 Renfe Operadora esplota la llinia ente qu'Adif ye la titular de les instalaciones ferroviaries.
Servicios ferroviarios
Cercaníes Forma parte de les llinies C-1 y C-2 de cercaníes Asturies.
La frecuencia de los trenes a Uviéu, teniendo en cuenta que dambes llinies faen parada nella, ye de media hora en díes llaborables.
La mayoría de los trenes son de la llinia C-2, pero a lo llargo del día faen parada unos 10 trenes de la llinia C-1, que coneuta con Xixón y La Pola.
La duración del viaxe ye d'unos 5 minutos a Uviéu y de daqué menos de 40 minutos hasta Xixón nel meyor de los casos.
Mientres les fines de selmana, la frecuencia de los trenes amenorga a la metá.
Referencies
Enllaces esternos
Cercaníes Asturies 17x17pxAnteriorLliniaSiguienteLes Segaes direición Puente de Los Fierroscentro|60px|alt=|link=Llinia C-1 (Cercaníes Asturies)Llamaquique direición Xixón-Sanz CrespoLes Segaes direición L'Entregucentro|60px|alt=|link=Llinia C-2 (Cercaníes Asturies)Llamaquique direición Uviéu
Caleyu, El Categoría:Cercaníes Asturies Categoría:Edificios d'Uviéu Categoría:Tresporte d'Uviéu