Melodifestivalen (pronunciación sueca: [mɛlʊˈdîːfɛstɪˌvɑːlɛn]; literalmente "el festival de la melodía") ye una competición musical anual entamada polas emisoras públiques sueques Sveriges Television (SVT) y Sveriges Radio (SR). Escueye'l representante del país pal Festival d'Eurovisión y fízose casi tolos años dende 1959. Dende'l 2000, la competición ye'l programa de televisión más popular de Suecia.Television in Sweden. Sweden.se (30 September 2005). Retrieved on 20 October 2006. Tamién ye tresmitíu per radio y Internet. En 2012, les semifinales tuvieron 3.3 millones d'espectadores de media y estímanse que más de 4 millones de persones en Suecia vieron la final, cuasi la metá de la población sueca. El festival algamó seis ganadores de Eurovisión y 24 vegaes nes primeres 5 posiciones pa Suecia nel Festival. El ganador del Melodifestivalen ye escoyíu por paneles de xuraos dende la so aniciu. Dende 1999, al votu'l xuráu améstase un votu telefónicu del públicu que tien la mesma influencia nel resultáu final. La competición provoca un impautu considerable nes llistes de ventes musicales en Suecia. La introducción de les semifinales en 2002 aumentó'l númberu potencial de concursantes d'aproximadamente 12 a 32. Tamién entamó una versión infantil de la competición esi añu, Lilla Melodifestivalen. Cantares pop llixeramente orquestaos, conocíos ellí como música schlager, yera tan predominante que'l festival yera dacuando llamáu schlagerfestivalen ("el festival del schlager") o schlager-sm ("campeonatu suecu del schlager") polos medios suecos."Jag koncentrerar mig på schlagerfestivalen" ["I am concentrating on schlagerfestivalen"]. Aftonbladet.se (27 February 2002). Retrieved on 20 October 2006.Anders Foghagen (13 October 2006) Agnes diskad från Schlagerfestivalen ["Agnes disqualified from schlagerfestivalen"]. TV4.se. Retrieved on 20 October 2006. Sicasí, otros estilos musicales como'l rap, el reggae, y el glam rock fixeron actu de presencia pola espansión del festival. La introducción d'una gran final n'Estocolmu atraxo turismu abondu a la ciudáThe Swedish Research Institute of Tourism (17–18 March 2006). Melodifestivalen 2006 . Retrieved on 23 January 2008..
Oríxenes Con ocho naciones compitiendo, el primer Festival d'Eurovisión tuvo llugar en Lugano, Suiza en mayu de 1956. El primer festival de Suecia foi'l terceru, en 1958. Ensin emitir una seleición pública, Sveriges Radio (SR)Sveriges Radio controlaba el serviciu de radio y televisión públicu suecu hasta'l 1 de xunetu de 1979, cuando SVT foi creada. escoyó a Alice Babs pal concursu de Hilversum, Países Baxos. El cantar elixíu foi "Samma stjärna lyser för oss två" (Les mesmes estrelles rellumen por los dos), más tarde renomada como "Lilla stjärna" (Pequeña estrella).Leif Thorsson. Melodifestivalen genom tiderna ["Melodifestivalen through time"] (2006), p. 12. Stockholm: Premium Publishing AB. Terminó en cuartu llugar n'Eurovision el 12 de marzu de 1958. El primer Melodifestivalen, incluyíu nel espaciu de radio Säg det med musik, celebróse'l 29 de xunu de 1959 nel Cirkus d'Estocolmu. Ocho cantares participaron. Cuatro xuraos "espertos" n'Estocolmu, Gotemburgu, Malmö y Luleå decidieron el ganador.Thorsson, p. 19 Esti foi Siw Malmkvist con "Augustin", pero SR decidió —ensin pregunta-y al cantante orixinal— que sería interpretáu por Brita Borg en Eurovisión. Esta política d'elexir l'artista pa Eurovisión internamente y poner a otros a cantar candidatures potenciales nel Melodifestivalen interrumpióse en 1961. La competición fízose un programa dixebráu en 1960, conocíu como'l Eurovisionschlagern, svensk final. Nos primeros años, yera tresmitíu a Noruega y Dinamarca pola rede Nordvision.Thorsson, p. 17. La competición garró'l so nome actual, Melodifestivalen, en 1967. El Melodifestivalen foi atayáu tres vegaes. En 1964, la competición foi frustrada por una fuelga d'artistes; Suecia nun unvió canción a Eurovisión esi añu.Thorsson, pp. 48–49. Suecia faltó al festival una segunda ocasión en 1970 por mor d'un boicó nórdicu del sistema de votación, que llevara a un empate a cuatro na primera posición nel concursu de 1969.Thorsson, pp. 82–83. Dempués la organización del festival por parte SR en 1975 n'Estocolmu, grupos d'izquierdes alegaron que Suecia nun tenía de gastar dineru pa ganar y acoyer Eurovisión de nueves. Esto conduxo a manifestaciones en masa escontra la música comercial y la organización d'un Alternativfestivalen non comercial.Thorsson, pp. 118–119. Poro, Suecia decidió nun unviar canción a Eurovisión 1976, pero volvió en 1977.
Participación izquierda|miniaturadeimagen|Charlotte Perrelli, la ganadora del Melodifestivalen 2008, actuando nel Festival d'Eurovisión en Belgráu Cientos de cantares y cantantes tuvieron nel Melodifestivalen dende'l so entamu. Anque los compositores que moraben fuera Suecia yeren cuantayá non almitíos nel festival, en 2012 entamóse a dexar qu'estos unviaren candidatures, mientres collaboraren con un compositor suecu. Pa ser escoyible, teníen de tener a lo menos 16 años d'edá el día de la primera semifinal d'Eurovisión. Fasta 2001, la participación nel festival taba llimitada a una sola nueche. El númberu de candidatures oscilaba ente cinco y doce. Un sistema de dos rondes usóse de forma intermitente ente 1981 y 1998, nel que tolos concursantes sacante cinco yeren desaniciaos na primera ronda de votación. Nun ser quién a algamar la segunda ronda baxo esti sistema yera vistu como un fracasu considerable pa un artista famosu. Cuando Elisabeth Andreassen nun llogró clasificase en 1984, práuticamente acabó cola so carreraThorsson, p. 171.. La introducción de semifinales selmanales en 2002 aumentó el númberu de concursantes a 32. A lo menos 10 d'ellos tienen de participar en suecu. Un discu colos cantares de cada añu ye espublizáu dende 2001 y, dende 2003, un DVD coles semifinales y la final. El Melodifestivalen foi la plataforma que llanzó al ésitu a artistes llocales como ABBA, Tommy Körberg y Lisa Nilsson. La competición acoyó tamién intérpretes de fuera Suecia, como Baccara, Alannah Myles, Katrina Leskanich, y Cornelis Vreeswijk. Dalgunos participantes del Melodifestivalen representaron tamién —o tentaron de representar— a otros países n'Eurovisión.Swedes abroad. ESC.info.se. Retrieved on 29 April 2007. Mientres l'ésitu a nivel nacional ye habitual pa los ganadores del Melodifestivalen, la mayoría de participantes tornen al anonimatu. Sicasí, dalgunos algamen gran ésitu internacional. L'impautu que la competición tien nes llistes de ventes supón qu'un artista nun tien de ganar pa llograr númberos récor dientro'l país. Por exemplu, el cantar que terminó caberu nel Melodifestivalen 1990, "Symfonin" de Loa Falkman, encabezó la llista de cenciellos sueca.Thorsson, p. 213. El casu más recién foi en 2016 con "Bada Nakna" de Samir & Viktor. En 2007, 21 participantes algamaron la llista Sverigetopplistan.Barry Viniker (16 March 2007) Melodifestivalen invades charts . ESCtoday.com. Retrieved on 20 April 2007. La selmana dempués la final de 2008, tou el top 15 de ventes nacionales taba formáu por cantares del festival.Total schlagerdominans på topplistan ["Total schlager dominance on Topplistan"]. Expressen.se (20 March 2008). Retrieved on 21 March 2008.
Seleición de concursantes El procesu d'amenorgar miles de potenciales concursantes a solu 29 dura más de siete meses. SVT escueye direutamente 14 cantares ente los unvios del públicu en xeneral. Trece candidatures más vienen d'invitaciones especiales feches pola SVT o tamién escoyíes ente las recibíes en la convocatoria pública. Finalmente, el cantar númberu 28 ye elixíu al traviés el concursu "Svensktoppen Nästa". A lo menos el 10% de los 28 cantares finales son en suecu. El procesu completu pue entamar tan ceo como en mayu del añu anterior y pue tar zarráu pa xineru.
Cantares
SVT entama la gueta de cantares nueve meses enantes de l'empiezu'l festival televisáu (díes dempués la final d'Eurovisión del añu anterior).Sietse Bakker (26 May 2006). SVT announces Melodifestivalen 2007 . ESCtoday.com. Retrieved on 21 October 2006. La fecha llende pal unvíu de candidatures ye en setiembre y puen tar en cualquier llingua. Na preseleición, la duración ta llendada a tres minutos y vente segundos. Si son a formar parte de los 28 finales, los cantares tienen d'acurtiase a tres minutos y tamién puen ser amesturaos.Melodifestivalen 2007—Tävlingsregler ["Melodifestivalen 2007—Competition rules"]. Sveriges Television AB (May 2006). Retrieved on 21 October 2006. El procesu d'entrega ye supervisáu por miembros de la Asociación d'Editores Musicales de Suecia (SMFF, poles sos sigles en suecu), que tienen el trabayu d'amenorgar el númberu de cantares, qu'alcanza más de 3000 cada añu dende 2002, a solu 1200. Les 3440 candidatures recibíes na preseleición pal Melodifestivalen 2009 ye'l mayor númberu de la historia la competición. Les eleiciones de la SMFF pasen entós a un xuráu de 16 persones formáu por profesionales de la música, equipu de la SVT y otros miembros del públicu.Melodifestivalen 2006—selection . ESC.info.se. Retrieved on 21 October 2006. El xuráu cuenta tanto con xente mozu como con mayores.Melodifestivalen 2007. ESC.info.se. Retrieved on 20 April 2007. Los cantares que se clasifiquen, xunto colos sos compositores y lletristas, anúnciense al final de setiembre. Esto va davezu siguíu d'especulación sobre quién cantará qué. Los compositores que se clasifiquen tienen de dar entrevistes a SVT, aportar a ruedes de prensa enantes la competición y tar abiertos a apaiciones promocionales si'l so cantar algama la final.
Artistes y comodines La SVT esbilla intérpretes pa les candidatures. Los artistes qu'interpreten la maqueta de los cantares entren automáticamente. Tienen de cantar nel caso de nun alcontrar un intérprete alternativu. Los cantares de los artistes cuerren peligru de descalificación si refuguen. Amunchayá, esta regla llevó a la descalificación de, ente otros, "När löven faller" de Carola en 2003 y "So Good" de Stephen Simmonds en 2006.Sietse Bakker (17 December 2002). Carola's Autumn Leaf exits. ESCtoday.com. Retrieved on 22 October 2006.Alexander Borodin (25 November 2005). Stephen Simmonds disqualified from Melodifestivalen . ESCtoday.com. Retrieved on 22 October 2006. SVT tamién pue pasar canciones a otros intérpretes ensin considerar los intereses del artista orixinal. Esto enzancó la participación de Brandsta City Släckers (en 2004) y de Pernilla Wahlgren (en 2005), que les sos canciones foron interpretaes por otros.Daniel Ringby (25 October 2003). Brandsta City Släckers kicked out from Swedish preselection . Retrieved on 22 October 2006.Alexander Borodin (14 January 2005). Swedish artists criticise Melodifestivalen official . Retrieved on 22 October 2006. Los cambeos de cantares descalificaos asoceden de forma inesperada en la competición. En 2006, "Naughty Boy" de Hannah Graaf (el sustitutu del cantar de Simmonds) terminó penúltimu na so semifinal. En 2002 y 2007, sicasí, los sustitutos interpretaos por Jan Johansen y Måns Zelmerlöw algamaron el top 10. Los concursantes que van interpretar los 28 clasificaos de la preseleición son anunciaos a final de payares. Tamién ye común la presencia de cantautores, que davezu confirmen la so participación enantes l'anunciu oficial. El sistema de comodinos foi introducíu en 2004 pa diversificar la música participante.Melodifestivalen 2007—FAQ in English . SVT.se. Retrieved on 1 May 2007. Cuatro artistes, ún en cada semifinal, foron invitaos pola SVT pa presentar un cantar de la so eleición, siempres con arreglu a les normes. Los comodinos foron anunciaos en xunu. De magar foron introducíos, tres ganaron la competición. En 2011 había 15 comodinos. Esti sistema desanició en 2013.
Llugar miniaturadeimagen|L'Ericsson Globe acoyó hasta 12 finales dende 1989.