El Festival de la canción d'Eurovisión 2020 sería la edición númberu 65 del Festival. Diba tener llugar en Rotterdam, Países Baxos, tres la victoria d'esti país na edición de 2019 en Tel Aviv, Israel, col cantar “Arcade”, interpretáu por Duncan Laurence. Sería la quinta vegada que Países Baxos acueye'l Festival, la cabera en 1980, y el primer eventu de la rede Eurovisión que tendría llugar ellí dende'l Festival d'Eurovisión Junior 2012. El concursu fuera celebráu nel recintu Rotterdam Ahoy y consistiera en dos semifinales el 12 y el 14 de mayu y una final el 16.
41 naciones teníen previstu participar esti añu. Bulgaria y Ucraína tornaben al Festival dempués d'un añu de falta, mientres Hungría y Montenegru nun asistíen.
El 18 de marzu espublizóse un comunicáu de la Xunión Europea de Radiodifusión (XER) nel que se comunicó la cancelación del Festival pola pandemia causada pol COVID-19, situación na que nun pue garantizase la celebración segura d'un eventu con una magnitú tala. Ye la primer vegada en 64 años d'historia del Festival qu'esti nun se celebra.
Nesti momentu ta aldericándose la posibilidá de facer la próxima edición, en 2021, nel mesmu llugar, quiciabes colos mesmos artistas, anque non colos mesmos cantares. En tou casu, la XER tien la intención "d'homenaxar" a los artistes escoyíos n'otru tipu de programa, non competitivu, que sirva amás pa "xunir y entretener al públicu européu nestos momentos de dificultá".
Allugamientu izquierda|miniaturadeimagen|Rotterdam Ahoy, el recintu del Festival d'Eurovisión 2020. El festival de 2020 se desendolcara nel Rotterdam Ahoy. Sería la quinta vegada que'l país acueye'l concursu, tres la so victoria na edición de 2019 col cantar “Arcade”, de Duncan Laurence. El mesmu recintu ya viviera'l Festival d'Eurovisión Junior 2012.
Preparaciones Los avíos pa la edición de 2020 entamaron el 19 de mayu de 2019, darréu la victoria de Países Baxos en Tel Aviv, Israel. Jon Ola Sand, supervisor executivu del Festival de la Xunión Europea de Radiodifusión (XER), apurrió a AVOTROS, la radiotelevisión neerlandesa, una riestra documentos y una memoria USB con ferramientes pa entamar el trabayu necesariu pa acoyer el próximu Festival. AVOTROS organizó'l eventu col gabitu de la tresmisora hermana Nederlandse Omroep Stichting (NOS) y la organización de radiotelevisiones públiques na que tan enmarcaes, Nederlandse Publieke Omroep (NPO).
Eleición de sede Yá enantes del Festival de 2019, cuando les apuestes predicíen la victoria de Laurence, afartes ciudaes anunciaron la so intención de acoyer el Festival en casu ganar: Ámsterdam, L'Haya y Maastricht. Un voceru de NPO declaró que teníen, por si un acasu, un borrador del procesu d'eleición de la ciudá sede. Cuando Laurence ganó, los alcaldes de dellos conceyos entamaron a contautar con Mark Rutte, primer ministru del país. Figures como Laurence, Esther Hart, Getty Kaspers o André Rieu sofitaron públicamente les sos ciudaes preferíes.
Les cadenes públiques llanzaron el procesu de eleición el 29 de mayu de 2019. Na primer fase, les ciudaes teníen d'unviar oficialmente la so candidatura. Ámsterdam, Breda, Bolduque, L'Haya, Leuvarda, Maastricht, Rotterdam y Utrecht ficiéronlu y recibieron una llista de criterios que debíen cumplir el 12 de xunu. Nun principiu, Zwolle considerara tamién postulase, pero finalmente nun lu fizo darréu que'l recintu disponible, IJsselhallen, nun tenía'l tamañu afayadizu. Enschede pudo ser tamién participante, col so aeropuerto, Entschede Airport Twente, qu'ufiertó'l so oncenu hangar. Sicasí, el conceyu de la ciudá nun taba dispuestu a da-y sofitu económicu a una propuesta tala.
D'equí alantre, estes nueve ciudaes teníen hasta'l 10 de xunetu de 2019 pa tresnar los sos dosieres de candidatura onde espónense les sos capacidaes p'acoyer el Festival. Otres ciudaes entá podíen xunise solicitándolo enantes la fecha llende. Mientres esti procesu, cuatro ciudaes retiráronse. Ámsterdam nun pue acoyer el Festival por la celebración d'otros eventos qu'asoceden al empar. Breda abandonó por dificultaes económiques. Leuvarda echóse atrás darréu que'l techu del so WTC Expo yera demasiao baxu. L'Haya retiró la so candidatura porque los sos dos recintos potenciales nun valíen pal eventu. L'estadiu de fútbol llocal Cars Jeans ye abondo grande pero nun tien techu y construyir unu sería imposible económicamente. La otra opción fuera anubrir el campu Malieveld con una carpa pero, dempués de valorar l'acoyimientu neses condiciones, refugóse. L'Haya entamó entós a sofitar la candidatura de Rótterdam.
Les 5 ciudaes que quedaron (Arnhem, Bolduque, Maastricht, Rótterdam y Utrecht) llevaron los sos dosieres terminaos a una ceremonia en Hilversum el 10 de xunetu de 2019. Les radiotelevisiones estudiaron les propuestes presentaes y el 16 de xunetu anunciaron el desaniciu de Arnhem, Bolduque y Utrecht, quedando namás Maastricht y Rótterdam. Utrecht foi escartada porque la so propuesta d'estenderexar una tela enriba'l so recintu Jaarbeurs yera difícil de probar in situ y la so comenencia pa eventos como'l Festival d'Eurovisión púnxose'n cuestión. D'otra miente, Bolduque escartóse pola poca altura del techu del so Brabanthallen y poques cuartos d'hotel bloquiaos pa les feches correspondientes.
Pa aldericar sobre l'allugamientu , recintu y eventos rellacionaos nes candidatures que quedaben, NPO visitó Maastricht el 17 de xunetu y Rótterdam el día siguiente. A finales de mes ficiéronse más visites pa discutir la loxística de la producción. La XER nun participó nesti procesu. Maastricht y Rótterdam tuvieron d'apurrir versiones iguaes de los sos dosieres pal 9 d'agostu, amestando detalles tocantes a los programes sociales de les ciudaes, eventos paralelos y licencies. Un “acuerdu de conceutu” foi requeríu pola organización n'agostu de 2019. Rótterdam firmólu, pero l'ayuntamientu de Maastricht discutiólu y refugólu. Na mesma xunta aclaróse que'l MECC nun tendría nenguna renovación. El 30 d'agostu, Rótterdam foi anunciada como ciudá sede nuna tresmisión especial en NPO 1 y NPO 2.
Lleenda: Recintu escoyíu Recintos preseleicionaos CiudáRecintuNotesArnhemGelreDomeCandidatura conxunta con Nijmegen y la rexón de Veluwe.BolduqueBrabanthallenLa propuesta foi sofitada pola provincia de Brabante Septentrional y les ciudaes de Breda, Eindhoven, Tilburgu yHelmond.MaastrichtMECC Maastricht ‡Candidatura sofitada pola provincia de Limburgu y les ciudaes de la so redolada.RotterdamRotterdam Ahoy †Candidatura sofitada pola provincia d'Holanda Meridional y les ciudaes de Dordrecht y L'Haya. El recintu yá acoyó'l Festival d'Eurovisión Junior 2007.UtrechtJaarbeurs—
Otros llugares El Eurovision Village (“pueblu Eurovisión”) ye'l llugar oficial pa fans y patrocinadores del Festival d'Eurovisión la selmana del concursu. Ellí puen vese actuaciones d'artistes llocales, amás de les gales en direuto que tienen llugar nel recintu principal. Anguaño diba allugase nel Binnenrotte. Esti sitiu ye ún de los espacios abiertos más grandes del centru de Rotterdam. Ta nel corazón de la ciudá, al llau d'una de les sos maravíes arquiteutóniques más famoses, el Markthal.
L'Euroclub diba ser el recintu pa les folixes oficiales dempués de les gales y pa actuaciones privaes de los participantes del Festival. A estremancia'l Village, l'accesu al Euroclub tará acutáu pa los fans acreitaos, delegaciones y prensa. Escoyóse a esti efeutu'l Maassilo, asitiáu na mariña de Rótterdam, a 10 minutos en coche del Rotterdam Ahoy.
"L'Alfombra Dorada" y la ceremonia d'apertura, onde los participantes y les sos delegaciones son presentaos ante la prensa acreitada y los fans, diba tener llugar nel puertu de Rotterdam el 10 de mayu de 2020.
Formatu
Propuesta audiovisual L'eslogan del Festival, “Open Up” (“ábrete”), anuncióse'l el 24 d'ochobre de 2019. El logotipu oficial y imaxe de marca revelóse'l 28 de payares. Diseñáu por CLEVERºFRANKE, ye “una representación astrauta de los colores de les banderes de los 41 países participantes en 2020 ordenaos según la so primer apaición nel concursu”.
Diseñu del escenariu La XER amosó'l diseñu del escenariu en diciembre de 2019. El diseñu ya inspiráu pol eslogan “Open Up” y el paisaxe llanu típicu de Países Baxos. L'escenógrafu alemán Florian Wieder fízolu de nueves, dempués d'encargase del diseñu de 2011, 2012, 2015, 2017, 2018 y 2019. Al contrariu que nel Festival del otru añu, la green room diba tar dientro'l recintu principal.
Presentadores miniaturadeimagen|300x300px|Chantal Janzen, Jan Smit y Edsilia Rombley, presentadores del Festival d'Eurovisión 2020. El Festival sería presentáu por tres presentadores: l'actriz y presentadora de televisión Chantal Janzen, el cantante y davezu comentarista del Festival Jan Smit y la cantante Edsilia Rombley, que representó a Países Baxos en 1998 y 2007. La videu-bloguera de guapura Nikkie de Jager (NikkieTutorials) sería la presentadora del conteníu en llinia del Festival, con una serie en YouTube onde cuntaría lo que pasa tres les cámares colos artistes participantes. Tamién informaría dende l'alfombra colorada na ceremonia d'apertura y fadría una apaición en cada gala en direuto el 12, 14 y 16 de mayu. Roos Moggré y Andrew Makkinga presentaríen les ruedes de prensa del Festival.
Sortéu de semifinales El sortéu pa fixar la semifinal na que cada país diba participar celebróse'l 28 de xineru nel Ayuntamientu de Rótterdam. Los 35 finalistes foron estremaos en cinco bombos, d'acuerdu con patrones de votación históricos calculaos pol sociu oficial pal televotu, Digame. Usar distintos bombos evita la posibilidá de que se produza'l famosu votu en bloques y aumenta'l suspense nes semifinales. El sortéu tamién determinó qué semifinal tienen d'emitir los países que se clasifiquen automáticamente (el Big Five y Países Baxos), u tamién votarán. Los presentadores del Festival Chantal Janzen, Jan Smit y Edsilia Rombley conduxeron esti actu, nel que tamién fízose la entrega de les insinies de les ciudaes ente la tenienta d'alcalde de Tel Aviv, Zippi Brand Frank y l'alcalde de Rótterdam Ahmed Aboutaleb. Bombu 1Bombu 2Bombu 3Bombu 4Bombu 5 Albania Austria Croacia Macedonia del Norte Serbia Eslovenia Suiza Australia Dinamarca Estonia Finlandia Islandia Noruega Suecia Armenia Azerbaixán Bielorrusia Xeorxa Moldavia Rusia Ucraína Bulgaria Xipre Grecia Malta Portugal Rumanía San Marín Bélxica República Checa Irlanda Israel Letonia Lituania Polonia
Votaciones La direutora d'entretenimientu de TVE reveló el 22 d'ochobre de 2019 que la XER taba consultando coles delegaciones posibles cambeos nel sistema de votación. La delegación griega dixo'l 30 d'ochobre que la gran mayoría d'elles (80%) votó a favor de caltener el sistema actual.
Postales El conceutu pa les postales de 2020 va na llinia del eslogan “Open Up”. Cada artista diba visitar una parte de Países Baxos y conocer a los sos habitantes participando n'actividaes, vezos o pasatiempos típicos del país. A la organización dio-y tiempu a grabar delles d'estes postales enantes la cancelación del Festival, ente ellos España
Actuaciones adicionales La segunda semifinal entamaría cola actuación del baillarín de break dance Redo. L'aniciu la final sería un desfile de banderes de los 26 países finalistes, al son de música producida pol DJ de 15 años Pieter Gabriel. Formóse una orquesta sinfónica de 65 músicos mozos de tol país qu'actuaría col DJ Afrojack y la cantante Glennis Grace, que representó a Países Baxos en 2005. Esta actuación pal intermediu de la final tendría tamién 40 baillarines y un coru gospel de 25 persones.
Amás, la final diba tener actuaciones de 8 antiguos ganadores d'Eurovisión. Gigliola Cinquetti cantará "Non ho l'età", Lenny Kuhr "De troubadour", Getty Kaspers "Ding-a-dong", Sandra Kim "J'aime la vie", Paul Harrington y Charlie McGettigan "Rock 'n' Roll Kids", Alexander Rybak "Fairytale" y Duncan Laurence "Arcade".