Emilio Alarcos Llorach foi un llingüista asturianu (non de ñacencia), caderalgu eméritu de la Universidá d'Uviéu, miembru de la Real Academia Española y tamién de l'Academia de la Llingua Asturiana.
Biografía Entamó los sos estudios universitarios na ciudá de Valladolid, au'l so pá yera caderalgu; continuolos en Madrid, au tuvo comu maestru a Dámaso Alonso y por esta universidá foi doctor en Filoloxía Románica en 1947. Caderalgu d'institutu n'Avilés dende 1944, la so estancia comu llector d'español nes ciudaes de Suiza, de Berna y Basilea (1946-1947) foi decisiva pa la so formación comu llingüista, lo que-y dexó entrar en contautu direutu coles corrientes científiques que naquella dómina nun hebía n'España. Tres otru breve tiempu comu caderalgu d'institutu en Cabra (Córdoba) y Logroño, obtién nel añu 1950 la cátedra de Gramática Histórica de la Llingua Española na Universidá d'Uviéu. De la so llabor nesa universidá apurre testimoniu los sos numberosos discípulos, asina comu unos cartafueyos, Archivum, perimportantes pa la conocencia de los estudios hispánicos.
Elixíu pal sillón B de la Real Academia Española en 1972. Arriendes foi tamién miembru fundaor y d'honor de l'Academia de la Llingua Asturiana, magar que la institución asturiana declarolu el 23 de mayu persona non grataEl País, 30-06-1988, pola so posición contraria a la Normalización del Asturianu. Yera, nel momentu del so fenecimientu, Presidente de l'Asociación de Historia de la Llingua Española.
Ver tamién Academia de la Llingua Asturiana Amigos de los bables
Referencies
Categoría:Filólogos y filólogues d'España Categoría:Persones de Castiella-La Mancha