San Llin foi un obispu cristianu del sieglu I, socesor de San Pedru como obispu de Roma y dirixente de la comunidá cristiana, y segundu pontífiz de la Ilesia, ente los años 67 y 79.
So pá llamábase Herculanus y so ma Claudia, y créyese tradicionalmente que nació en Volterra, na Toscana. Como socesor de San Pedru (y ordenáu por San Pablu) sedrá'l primeru en nomar los primeros quince obispos del cristianismu. Nel so pontificáu asocede'l fin de les guerres xudíes y l'esfaimientu per parte de les tropes romanes del Templu de Salomón en Xerusalén.
El so pontificáu tuvo marcáu polos martirios de San Marcos y San Lluques. Pue ser qu'elli mesmu sufriere martiriu, morriendo supuestamente'l 23 de setiembre de 79, siendo ésti'l día de la so festividá. Foi enterráu nel Vaticanu xunto con San Pedru. Ta consideráu comu santu tanto pola Ilesia Católica Romana como pola Ilesia Ortodoxa.
Referencies
Enllaces esternos
Llin Categoría:Santos y santes