Avelino González Mallada foi un anarcosindicalista asturianu.
Con 11 años entra a trabayar na fábrica de Laviada, ingresando na CNT en 1911 siendo despedíu pola so militancia en 1915 teniendo qu'emigrar a París hasta 1919. Cuando volvió, al nun alcontrar trabayu por tar nes llistes prietes de la patronal tuvo que buscar trabayu en La Felguera, centru anarcosindicalista. Tornó a Xixón en 1922.
Foi Secretariu Xeneral de la Confederación ente setiembre de 1925 y xunetu de 1926, sucediéndolu nel cargu Segundo Blanco. Nesti últimu añu trabaya como maestru na Escuela Neutra d'Eleuterio Quintanilla. Durante la II República dirixó dos periódicos afines a la CNT, siendo tamién masón de la loxia Jovellanos. Participó na revolución d'Ochobre y foi alcalde de Xixón ente'l 15 d'ochobre de 1936 y el fin de la resistencia n'ochobre de 1937. Durante'l so mandatu fizo importantes reformes urbanístiques permitiendo esborrar dellos edificios.
Hasta febreru de 1938 tuvo en Barcelona, marchando a Estaos Xuníos nuna misión pa recaudar fondos pa la guerra, morriendo nun accidente automovilísticu.
En Xixón una cai lleva'l so nome.
Referencies
Enllaces esternos
Categoría:Políticos y polítiques de Xixón Categoría:Anarquistes d'Asturies