Club de Gimnasia y Esgrima La Plata

El Club de Gimnasia y Esgrima La Plata ye una entidá deportiva de la ciudá arxentina de La Plata, capital de la provincia de Buenos Aires. Fundóse'l 3 de xunu de 1887, y recibió'l so nome de los deportes que d'aquella-y dieron nacencia: la ximnasia y la esgrima. Dempués amiestaríense-y añaderíen otres seiciones: de tiru, de críquet, d'atletismu... y, por supuestu, de fútbol, que ye, dende'l pasu del so equipu al profesionalismu en 1931, el deporte que-y da más sonadía al club. Anguaño, amás del de fútbol, tien equipu de baloncestu masculín y de voleibol femenín, y cuenta tamién con delles instalaciones pa esfrute de los sos socios: polideportivu, escuela o el complexu deportivu d'Estancia Chica (con 160 hectárees de terrén) ente más otres.

Nel so bayurosu historial (ye, coles sos 71 temporaes en Primera, l'octavu club con mayor mantenencia nella) figuren, como finxos cimeros, el campeonatu de Primer División qu'algamaron en 1929, cuando l'equipu entá yera amateur, y la conquista de la Copa Centenariu, organizada en 1994 pa celebrar los cien años de vida de la AFA. Arriendes d'ello, foi tamién cinco vegaes subcampeón de la Primer División, y ganó'l campeonatu de Segunda División en 1944, 1947 y 1952.

Palmarés y estadístiques del club

Estadístiques Temporaes en Primer División: 71. Foi subcampeón 5 vegaes (Clausura 1995, Clausura 1996, Apertura 1998, Clausura 2002, Apertura 2005) Temporaes en Segunda División: 8 Mayor goliada a favor en campeonatos nacionales profesionales: 8:1 a Racing Club (en 1961) Mayor goliada en contra en campeonatos nacionales profesionales: 0:8 d'Huracán. Mayor goliada a favor en torneos internacionales: 5:1 a Alianza Lima (na Copa Libertadores 2003) Mayor goliada en contra en torneos internacionales: 0:4 d'IA Sud América na Copa Conmebol 1995

Participaciones en torneos internacionales oficiales: Copa Conmebol (3): 1992 (foi semifinalista), 1995 y 1998. Copa Suramericana (2): 2002 y 2006. Copa Libertadores (2): 2003 y 2007.

thumb|right|Arturo Naón

Xugadores con mayor númberu de partíos xugaos: Jorge San Esteban (más de 400, y sigue xugando anguaño) 22px|uruguayo Guillermo Sanguinetti (383 nos años 1991-2003) Oscar Montañéz (343 nos años 1932-1945)

Xugadores con mayor cantidá de goles marcaos: Arturo Naón (95 goles en 97 partíos) Diego Francisco Bayo (71 goles en 138 partíos) 22px|italiano Delio Onnis (64 goles en 113 partíos)

Palmarés

Era amateur

Torneos nacionales oficiales Primer División (1): 1929Campeonatu arxentín de Primer División. 1929. Foi tamién subcampeón en 1924.

Segunda división (1): 1915Campeonatu arxentín de Segunda División. 1924

Copas nacionales Copa Competencia Adolfo J. Bullrich (1): 1915

Copa Campeonatu Intermedia (1): 1915

Copa Estímulo (1): 1929Historia de las copas en Argentina por RSSSF

Era profesional

Torneos nacionales oficiales Subcampeón de la Primer División d'Arxentina (5): Clausura 1995, Clausura 1996, Apertura 1998, Clausura 2002 y Apertura 2005.Campeonatu arxentín de Primer División. Clausura 1995Campeonatu arxentín de Primer División. Clausura 1996Campeonatu arxentín de Primer División. Apertura 1998Campeonatu arxentín de Primer División. Clausura 2002Campeonatu arxentín de Primer División. Apertura 2005

Copa Centenariu de la AFA (1): 1994

Segunda división (3): 1944, 1947, y 1952Campeonatu arxentín de Segunda División. 1944Campeonatu arxentín de Segunda División. 1947Campeonatu arxentín de Segunda División. 1952

Subcampeón de la Segunda División Arxentina (1): 1946Campeonatu arxentín de Segunda División. 1946

Torneos nacionales amistosos Copa Gobernador Alende (1): 1960 Copa Amistad (2): 1977 y 2006. Tornéu Promocional (1) 1967Historia de las copas en Argentina por RSSSF

Torneos internacionales amistosos Copa Colonia del Sacramento (1): 1998

Cuadrangular d'Asunción (1): 1975

Subcampeón de la Copa Sanwa Bank (1): 1994

Presidentes thumb|150px|Saturnino Perdriel, 1887.

Nos sos más de 120 años d'historia foron 55 los presidentes del club. El primeru foi un funcionariu del Ministeriu de Facienda de la provincia de Buenos Aires, Saturnino Perdriel; y l'actual ye, dende 2007, Walter Gisande.

La eleición del presidente ye por votación trianual ente los socios/es. Hai que tener más de 18 años y llevar trés de sociu/a pa poder votar, y llevar más de siete pa poder ser elixíu como miembru de la Comisión Direutiva.

Tolos presidentes thumb|right|Alejandro Korn, 1890. thumb|right|Juan Carlos Zerillo, 1929.

1887: Saturnino Perdriel 1889: Osvaldo Botet 1889: Dr. Adolfo Montier 1891: Dr. Ricardo C. Aldao 1891: Dr. Alejandro Korn 1894: Dr. Mariano Paunero 1896: Dr. Teodoro Granel 1896: Norberto Casco 1897: Cap. Miguel Gutiérrez 1897: Dr. Julio Julian Islas 1898: Juan M. González 1900: Dr. Edelmiro Palacios 1903: Cap. Miguel Gutiérrez 1904: Dr. César Ameghino 1905: Ricardo Guido Lavalle 1906: Inx. Benjamín Sal 1907: Dr. Horacio J. Araúz 1909: Diego Arana 1910: Dr. Edelmiro Palacios 1913: Julio J. Paz 1913: Dr. Emiliano de La Puente 1913: Juan José Atenció (*) 1913: Dr. Emiliano de La Puente 1914: Telésforo B. Ubios 1914: Dr. Emiliano de La Puente 1915: Jacinto Augusto Castellanos (*) 1915: Dr. Emiliano de La Puente 1917: Guillermo O'Reilly 1919: Dr. Alejandro Oyuela 1920: Dr. Horacio Casco 1925: Dr. Augusto Lidiedal 1927: Dr. Alberto Gonzalez 1928: Dr. Adolfo Rivarola 1929: Juan Carlos Zerillo 1931: Juan T. Erbiti 1932: Inx. Angel Marmonti 1932-1936: Dr. Plácido Seara 1934: Juan T. Erbiti 1936: Osvaldo Cortelezzi 1937: José Julián Saiñas 1938-1942: Inx. José Montalvo 1942-1945: Dr. Carlos C. Tejo 1945: Dr. Plácido Seara 1945-1947: Cap.Horacio Barandiarán 1947-1948: Dr. Gabriel Rodríguez 1948-1955: Dr. Carlos Insúa 1955-1957: Genaro Rucci 1957-1967: Dr. Laureano Durán 1967-1968: Dr. Pedro Osvaldo Enrique Soria 1968-1979: Oscar Emir Venturino 1979-1980: Cdr.Jorge Tittarelli 1980: Tomas Sessa 1980-1983: Norberto Coco Sánchez 1983: Alejandro Breccia 1983: Mario Milazzo 1983: Dr. Hugo Barros Schelotto 1983-1989: Héctor Atilio Delmar 1989-1992: Cdr. Roberto Vicente 1992-1998: Héctor Atilio Delmar 1998-2004: Cdr. Héctor Domínguez 2004-2004: Inx. Francisco Gliemmo 2004-2007: Juan José Muñoz 2007- : Walter Gisande (*) Foi elixíu, pero renunció primero de tomar posesión del cargu.

Comisión Directiva 2008 Actualizáu a Torneo Clausura 2008 (Arxentina)

Presidente: Walter Gisande. Vicepresidentes: Fabián Cagliardi, Juan Carlos Escanda y Ernesto Fischer. Vocales Titulares: Renato Ottaviano, Ernesto Díaz, Daniel Giraud, Laureano Durán, Víctor Palladino, Miguel Lavarra, Roberto Coscarelli, Pablo Blanco, Ricardo Vera, Flavio González, Daniel Bellini, Emidio Pappalardo y Marcelo Gisande. Vocales Suplentes: Gustavo Scoppa, Jorge García, Roberto Capalbo, Santiago Barbieri, Ricardo Díaz, Alberto Castillo y Jorge Quintín. Revisores de Cuentes Titulares: Ricardo López Osornio, Facundo Menéndez y Pablo Juanes. Revisores de Cuentes Suplentes: Hernán Palladino y Alejandro Cisneros. Xuráu d'Honor Titular: Alberto Durán, Omar Nicora, Elvio Sagarra, Julio Novarini y Eugenio Mijailoff. Xuráu d'Honor Suplente: Alfredo Ferrarini y Carlos Gerez.

Himnu L'himnu oficial del club escribióse en 1915 pol poeta, nacíu en Magdalena, Délfor B. Méndez; la música ye del maestru Juan Serpentini. Cantóse per primer vegada'l 9 de xunetu de 1915, nuna receición n'honor del River Plate Football Club d'Uruguái, y grabáu pola Banda de Música de la policía del Estáu de Buenos Aires en 1967. La lletra del himnu ye como vien darréu...

HIMNU

Festejemos nuestros triunfos

con canciones varoniles

armoniosas y febriles

como los ritmos del mar.

Festejemos nuestros triunfos

con las sanas intenciones

de llegar a ser campeones

solamente,

solamente por llegar.

En las luchas deportivas,

siempre fuímos vencedores,

defendiendo los colores

de la insignia nacional.

Embriagados de entusiasmo,

satisfechos de alegría,

derrochamos valentía,

con nobleza,

con nobleza sin igual.

Sin enconos ni altiveces,

siempre fuertes, siempre unidos,

por mens sana conocidos,

lucharemos sin cesar,

pues sin luchas no hay victorias,

y nosotros las queremos,

porque siempre padecemos

hondo anhelo,

hondo anhelo de triunfar!

Escudu right|thumb|150px|Los colores de C.G.E.

L'escudu actual del club (oficial dende 1964) ye una versión más cenciella del diseñáu, nel 1887, por Emilio Coutaret. Tien na so parte central, sobre campos de plata y oru, una corona coronada por un yelmu. Dientro d'ella, sobre esmalte, hai un círculu na que figura'l monograma del club nos colores que lu identifican (blancu y azul marín). No cimero de la corona, a los llaos del yelmu, aparecen los mangos d'un sable y un florete. Arrodiando'l conxuntu apaez una rama de lloréu.

Uniforme Anguaño l'uniforme titular de Gimnasia y Esgrima tien los colores que l'estatutu social del club adoptó como propios.

Uniforme titular: Camiseta blanca con una franxa horizontal azul marín, pantalón blancu y calcetos blancos. Uniforme alternativu: Camiseta azul marín con una franxa horizontal blanca, pantalón azul marín y calcetos azul marín.

Sicasí, l'uniforme nun foi siempres el mesmu. Nos primeros años del club usáronse los colores blancu y azul cielu, los de la bandera arxentina, pa facer una camiseta igual que la qu'usa anguaño la Seleición arxentina de fútbol. Dempués, en 1905, decidióse cambiar el color del uniforme pa diferenciase del Rácing Club: cambióse'l azul cielu de les rayes verticales de la camiseta pol azul marín. En 1910 cambióse'l diseñu por última vegada, y adoptóse l'uniforme que visten anguaño los sos xugadores.

Estadiu L'estadiu Juan Carlos Zerillo, tamién conocíu como Estadiu del Bosque, ye'l propiu d'esti equipu. Alcuéntrase nel Bosque Platense, cerca del barriu de «El Mondongo»; concretamente, nel cruce de l'avenida 60 cola cai 118 de la ciudá de La Plata. Ye, colos sos 33.123 espectadores, el mayor de la ciudá.

Les obres pa la so construcción entamaron el 22 de marzu de 1923, ya inaguróse'l 26 d'abril del añu siguiente. Años más tarde dióse-y el nome del presidente Juan Carlos Zerillo, que gobernó'l club ente 1929 y 1931.

Les sos dimensiones son de 118 X 74 metros, y anguaño nun ye'l campu nel que xuega l'equipu. Dende 2006, cuando'l campu foi inhabilitáu p'agospiar partíos oficiales al nun cumplir coles nueves normes de seguridá del Comité Provincial de Seguridad Deportiva, Gimnasia y Esgrima xuega como llocal nel estadiu Ciudá de la Plata.

Instalaciones Les instalaciones del club inclúin, amás del so estadiu, una finca de 160 ha, otra pa qu'entrenen les categoríes infantiles, un polideportivu, un xardín d'infancia, una escuela primaria y otra secundaria. Hai, amás, decenes de filiales espardíes dientro de l'Arxentina y nel estranxeru.

Estancia Chica: Ye la finca (160 ha) na qu'entrena l'equipu profesional, y na que se concentra primero de los partíos.

El Bosquecito: Ye una finca (11 ha) na qu'entrenen y xueguen les categoríes infantiles de la institución. Ye un espaciu de 11 hectárees au practiquen y desempéñense les categoríes infantiles.

Escuela: El club tien un xardín d'infancia (inauguráu en 1999), una escuela primaria (la Escuela Dr. René Favaloro, inaugurada en 2001) y una escuela secundaria (inaugurada en 2008).

Polideportivu: Nesti pabellón, inauguráu en 1978, xueguen los equipos de la primer división de baloncestu y vóleibol. Tien una capacidá de 2.600 persones (3.500 cuando ta iguáu p'acoyer espectáculos musicales).

Sé Social: Nella hai, amás de les oficines de la institución, un ximnasiu y instalaciones pa prauticar baloncestu y vóleibol.

Club de Gimnasia y Esgrima La Plata

Źródło i licencja