Mark Shuttleworth ye un informáticu y empresariu sudafricanu. Ye'l fundador de la empresa Canonical Ltd., una empresa promotora del Software llibre.
Foi'l primer africanu nel espaciu y el primer turista espacial sudafricanu.
El 25 d'abril de 2002, la nave Soyuz TM-34 despegó del cosmódromu de Baikonur haza la Estación Espacial Internacional con una tripulación formada por tres persones: el pilotu-cosmonauta rusu Yuri Gidzenko, como comandante de la misión, el cosmonauta-investigador italianu Roberto Vittori, y el cosmonauta-inxenieru sudafricanu Mark Shuttleworth.
El segundu cosmonauta "turista" na hestoria, dempués del esnalu del millonariu d'Estaos Xuníos Dennis Tito na Soyuz TM-32, prefier nun ser consideráu un cenciellu turista, y por ello punxo munchu empeñu nos aspeutos educativos y científicos de la so misión. Llevó a cau esperimentos científicos nes estayes de fisioloxía y de fenómenos de cristalización, asina como otros relativos a la investigación de les célules madre.
La fonte de la fortuna de Shuttleworth foi la venta de la so empresa de seguridá n'Internet "Thawte" por 575 millones de dólares a VeriSign en 1999.
Shuttleworth tien financiao el proyeutu Ubuntu, distribución de GNU/Linux basada en Debian.
En marzu de 2004 fundó la empresa Canonical Ltd, pa la promoción y sofitu comercial de proyeutos de software llibre.
thumb|left|400px|Mark Shuttleworth, nuna reunión con integrantes de Canonical pal desendolcu de Launchpad. Launchpad ye una aplicación y sitiu web de desendolcu de software llibre usáu pa Ubuntu.
Fontes Al rodiu de Mark Shuttleworth, . La misión Soyuz TM-34, .
Ver tamién Ubuntu, Distribución GNU/Linux financiada por Shuttleworth. Space Adventures
Referencies
Enllaces esternos Sitiu web oficial, . Datos biográficos del cosmonauta, y n'alemán, en SpaceFacts.de Primer africanu nel espaciu, . Mark Shuttleworth, . Sitiu web oficial d'Ubuntu, . Fundación Shuttleworth , .
Categoría:Empresarios y empresaries de Sudáfrica Categoría:Software llibre