La Proclamación de la República (n'irlandés, Forógra na Poblachta ), tamién conocida como Proclamación de 1916 o Proclamación de Pascua, foi un documentu emitíu polos Voluntarios Irlandeses y l'Exércitu Ciudadanu Irlandés nel Alzamientu de Pascua n'Irlanda, que comenzó'l 24 d'abril de 1916. Nél, el Conseyu Militar de la Hermandá Republicana Irlandesa, que s'autodenomina'l "Gobiernu provisional de la República d'Irlanda", proclamó la independencia d'Irlanda del Reinu Xuníu sol nome de República Irlandesa. La llectura de la proclamación por Patrick Pearse fuera de la Oficina Central de Correos de Dublín (GPO) en Sackville Street (agora llamada Cai O'Connell), la principal vía de la ciudá, marcó'l comienzu del Alzamientu. La proclamación d'independencia inspióse nuna asemeyada emitida cuando la rebelión de 1803 por Robert Emmet.
Principios de la proclamación Inda que l'Alzamientu fracasó en términos militares, los principios de la Proclamación en diversos graos influyeron nel pensamientu de les xeneraciones posteriores de políticos irlandeses. El documentu constaba d'una serie d'afirmaciones:
que los líderes del Alzamientu falaben por Irlanda (una afirmación fecha históricamente por movimientos insurreicionales irlandeses); que l'Alzamientu yera parte d'una fola d'intentos de llograr la independencia por aciu la fuerza de les armes; que la Hermandá Republicana Irlandesa, los Voluntarios Irlandeses ya l'Exércitu Ciudadanu Irlandés foron fundamentales pal Alzamientu; "El drechu del pueblu d'Irlanda a la propiedá d'Irlanda" que la forma de gobiernu había de ser una república; una garantía de llibertá relixosa y civil, igualdá de drechos ya igualdá d'oportunidaes pa tolos sos ciudadanos", la primer mención de la igualdá de xéneru, yá que les muyeres irlandeses so la llei británica nun podíen votar; un compromisu col sufraxu universal, un fenómenu limitáu nesi momentu a namás un garrapiellu países, ensin incluyir el Reinu Xuníu; una promesa de "querer a tolos fíos de la nación por igual". Inda qu'estes palabres son citaes dende la década de 1990 por defensores de los drechos de los neños, "fíos/neños de la nación" refierse a tolos irlandeses; les disputes ente nacionalistes y sindicalistes atribúinse a "diferencies fomentaes con procuru por un gobiernu estranxeru", un refugu de lo que más tarde se denominó teoría de les dos naciones.
La impresión y distribución del testu miniaturadeimagen|Oficina Central de Correos de Dublin, lugar dende onde se lleó la Proclamación mientres l'Alzamientu de Pascua de 1916. La proclamación imprentárase en secretu primero del Alzamientu nuna prensa de cilindru de parada Summit Wharfedale, allugada en Liberty Hall, Eden Quay (cuartel xeneral del Exércitu de Ciudadanos irlandeses ). Por cuenta d'ello, surdieron problemes qu'afeutaron la disposición y el diseñu. En particular, a cuenta la escasez de tipos, el documentu imprentóse en dos metaes, imprimiendo primero la parte cimera y depués la parte baxera nes mesmes fueyes de papel. Los tipógrafos fueron Willie O'Brien, Michael Molloy y Christopher Brady. Nun cuntaben con suministru abondu de tipos nel mesmu tamañu y fonte, y como resultancia, delles partes del documentu usen e d'una fonte diferente, que son más pequeñes y nun coinciden.
El llinguaxe suxería que la copia orixinal de la proclamación en realidá robláranla los líderes del Alzamientu. Nunca nun s'atopó, sicasí, evidencia d'ello nin tampoco se menta rexistru contemporaneu nengún, la existencia d'una copia realmente roblada, d'existir tala copia, podría ser fácilmente destruyida tres del Alzamientu per parte de daquién (nel exércitu británicu, un miembru del públicu o un participante del Alzamientu qu'intenta destruyir pruebes potencialmente incriminatories) que nun apreciaron la so importancia histórica. Molloy afirmó posteriormente qu'editara'l documentu a partir d'una copia manuscrita, con robles nun papel separtáu que destruyó al mastigalo mentes taba en prisión, pero esto foi discutío por otros participantes. Molloy tamién remembró que Connolly pidiera que'l documentu asemeyare l'avisu d'un subastador nel diseñu xeneral.
Entá queden unes 30 copies orixinales, una d'elles pue vese nel Muséu Nacional d'Imprenta d'Irlanda. Les reproducciones fixéronse más tarde; dacuando considerándoles erróneamente como orixinales. Cuando los soldaos británicos recuperaron Liberty Hall, atoparon la prensa col tipu de la parte inferior de la proclamación entá completamente configurada y, según informes, publicaron delles copies como alcordances, lo que llevó a una proliferación d'estes "medies copies". James Mosley señala que los orixinales completos tornáronse aína raros nel caos, y que más d'un mes depués, la policía de Dublín nun atopara un pa los sos archivos.
Roblantes Quien roblaron (los nomes según apaecieron na Proclamación):
Thomas J. Clarke Seán Mac Diarmada Thomas MacDonagh Patrick Pearse Éamonn Ceannt James Connolly Joseph Plunkett
izquierda|miniaturadeimagen|Thomas J. Clarke, un de los roblantes de la Proclamación. Una entruga que se fai dacuando ye por qué'l primer nome ente los "signatarios" nun foi Pearse sinón Tom Clarke, un veteranu republicanu. Si l'orde de los nomes fora l'alfabéticu, Éamonn Ceannt apaecería na parte cimera. La vilba de Clarke sostenía que yera porque'l plan fuera que Clarke, como un veteranu famosu, tornárase nel Presidente de la República Provisional. Tala esplicación ensin dulda diba esplicar la so posición principal. Por embargu, otros asociaos col Alzamientu refugaron eses afirmaciones que fizo nes memories. Documentos posteriores emitíos polos rebeldes diéron-y a Pearse un lugar d'honor, masque como "Al mandu de les Fuercies de la República d'Irlanda y Presidente del Gobiernu Provisional, non "Presidente de la República". Si'l plan fuera dalguna vegada tener a Clarke como xefe d'estáu simbólicu y a Pearse como xefe de gobiernu, o a cencielles yera que Pearse siempres diba ser central pero con declaraciones que describíen el títulu de manera ambigua, sigue siendo un misteriu sobro'l que los historiadores entá especulen.
Los siete que roblen la proclamación foron executaos polos militares británicos (a James Connolly, mancáu nos combates, executáronlu sentáu nuna siella), por cometer traición en tiempos de guerra (esto ye, mientres la Primer Guerra Mundial).Dublin Gazette, Proclamación del teniente lord d'Irlanda, Lord Wimborne, el 9 de mayu de 1916 proclamara Dublín so la llei marcial, cola declaración de que les aiciones posteriores de l'alministración del Castiello de Dublín tomaríense d'alcuerdu con esa declaración. Los líderes políticos británicos consideraron de mano les execuciones como imprudentes, más tarde como una catástrofe, ya que'l primer ministru Asquith y depués David Lloyd George afirmaron que llamentaben dexar que los militares británicos trataren l'asuntu como una cuestión de llei militar en tiempos de guerra, en cuenta d'insistir en que se tratare los líderes so la llei penal civil. Inda que primero non simpatizaba col Alzamientu (el principal periódicu nacionalista irlandés, el Irish Independent pidió les execuciones), la opinión pública irlandesa camudó y volvióse más comprensiva por cuenta de la forma en que los trataron y axusticiaron. Finalmente, el gobiernu d'Asquith ordenó'l cesamientu de les execuciones y insistió en que a los condenaos los trataren al traviés d'una llei civil. Pa esa etapa, tolos roblantes y otros más yá taben executaos.
Copies actuales miniaturadeimagen|Un oficial del Exércitu irlandés sosteniendo la Proclamación delantre la GPO nes conmemoraciones del Alzamientu en 2010. Les copies completes de la Proclamación de Pascua agora trátense como un veneráu iconu nacional irlandés. Una vendióse nuna puya por 390 000 euros n'avientu de 2004. Una copia roblada pol participante del Alzamientu Seán T. O'Kelly regalóla elli mesmu a los edificios del parlamentu irlandés, Leinster House, cuando'l so mandatu como presidente d'Irlanda. Actualmente atópase n'exhibición permanente nel vestíbulu principal.
Otres copies exhíbense na Oficina central de Correos de Dublín (espaciu del Alzamientu y el llugar onde se lleó la primer vegada), el Muséu Nacional d'Irlanda, la Sala Llonga de la Biblioteca del Trinity College y otros museos de tol mundu. Les copies facsímiles viéndense como alcordances n'Irlanda, y les copies del testu muéstrense davezu nes escueles irlandeses y nos pubs irlandeses de tol mundu. Un oficial de les Fuercies de Defensa d'Irlanda fuera de la Oficina central de Correos llee la proclamación en voz alto nes conmemoraciones del Alzamientu de Pascua'l domingu de Pascua de cada añu.
Testu
Bibliografía
Notes
Referencies
Enllaces esternos
Web oficial de la Proclamación de la República Irlandesa
Categoría:Declaraciones d'independencia Categoría:Historia d'Irlanda