Irene Cano Piquero ye una executiva asturiana, direutora xeneral de Facebook España y Portugal dende xunu de 2012. Ye reconocida como una de les muyeres más influyentes d'España.
Biografía Irene Cano nació n'Uviéu y estudió Alministración y Direición d'Empreses na Universidá d'Uviéu. Trabayó por tres años nel departamentu comercial de Yahoo! hasta que nel añu 2003 coló a trabayar en Google, primero como responsable d'operaciones y llueu, dende 2006, como direutora d'axencies. Tres años depués, en 2009, entró a dirixir el departamentu comercial d'Orange España
En xineru de 2010 Cano incorporóse a Facebook como direutora comercial y de desendolcu de negociu y dende 2012 ye direutora xeneral pa España y Portugal.
Cano tien collaboráu cola Fundación Vicente Ferrer y ye parte del conseyu consultivu de Liberbank n'Asturies. Tamién foi xuráu del Premiu Princesa d'Asturies de Comunicación y Humanidaes en 2018 y presidenta del xuráu del Premiu Princesa de Xirona Empresa, y tamién xuráu del Premiu de Periodismu Accenture.
Premios y reconocencies Cano foi reconocida como una de les muyeres más influyentes n'España por distintes publicaciones como Yo Dona, El Confidencial, Forbes o Las Top 100 Mujeres Líderes.
Premiu Vaqueira Mayor 2018 Premiu iForum 2012 a la meyor trayeutoria profesional
Referencies
Categoría:Executivos y executives d'España Categoría:Persones d'Uviéu Categoría:Alumnáu de la Universidá d'Uviéu