Ediciones Radagast ye una editorial asturiana centrada na ciencia ficción, el horror y la fantasía. Amás, Radagast apuesta decididamente polos autores mozos qu'entá nun asoleyaron nengún títulu estensu.
Actividá. Ediciones Radagast apaeció de la mano del escritor Nicolás Bardio nel añu 2020 y el so primer títulu asoleyáu foi "Depués d'Ochobre", el primer xuegu de rol n'asturianu, que foi un ésitu de ventes. Gracies a Ediciones Radagast aportó al mercáu, tamién, la primer novela de fantasía escura na nuesa llingua, "Del llau del nigromante", asina como la novela "L'Home de les Caparines", de Blanca Inés Fernández Quintana. Dambos llibros, especialmente'l caberu, collecharon resultaos igualmente bonos, escosando les sos primeres ediciones.
Ediciones Radagast tamién espublizó una antoloxía de rellatos llamada "Fecho na cuarentena", que pue mercase de baldre na so páxina web.
La editorial organiza'l Premiu Radagast, ganáu en 2021 pola novela "Trovadoresca", de Blanca Inés Fernández Quintana.
Referencies
Enllaces esternos
Radagast