Florence Pugh ye una actriz británica. Fixo'l so debú actoral en The Falling (2014) y desapegó col so papel principal en Lady Macbeth (2016). La so actuación nesa película como una muyer casada infeliz favoreció-y un British Independent Filme Award a Meyor Actriz. Pugh interpretó a Isabel de Burgh na película histórica de Netflix Outlaw King (2018). Diose a conocer principalmente pola so participación na película Little Women, de Greta Gerwig.En 2021, protagonizó la película de superhéroes de Marvel Cinematic Universe Black Widow como Yelena Belova / Black Widow.
Vida temprana Pugh nació y creció n'Oxfordshire. Vivió n'Andalucía (España) gran parte de la so infancia. El so padre, Clinton Pugh, ye un restaurador n'Oxford y la so madre, Deborah, ye una exbailarina y profesora de danza. Pugh tien trés hermanos, incluyendo al actor y músicu Toby Sebastian y l'actriz Arabella Gibbins. La primer escuela a la qu'asistió atopábase en Sotogrande, n'España. El so amor polos acentos y l'actuación llegó-y nel sestu cursu, cuando foi parte d'una producción escolar como la Virxe María nun Belén, y decidió faer d'ella como si tuviera acentu de la zona de Yorkshire. Otros papeles protagónicos siguiéron-y na Wychwood School (2007–2009) y na St. Edward's School, n'Oxford.
Carrera Pugh fixo'l so debú nel cine na película de 2014 The Falling, na que fai d'una adolescente precoz, actuando al pie de Maisie Williams. Pol so rol nesi filme, Pugh foi nomada a Meyor Debutante Británica nel BFI London Film Festival de 2015 y a Meyor Actuación Británica/Irlandesa nos premios del London Film Critics' Circle.
En 2015, Pugh fixo'l papel principal na cinta Studio City, al pie d'Eric McCormack. Al siguiente añu, protagonizó Lady Macbeth y tuvo un papel recurrente na primer temporada de la serie de detectives Marcella. Pola so actuación nesta serie ganó un British Independent Filme Award, ente otros galardones.
En 2018, Pugh actuó na película d'acción The Commuter y fixo de Cordelia na película King Lear. Esi mesmu añu fixo d'Isabel de Burgh na película histórica Outlaw King (2018), protagonizada por Chris Pine como Robertu I d'Escocia.
En 2019, Pugh fixo de la lluchadora profesional Paige en Fighting with My Family, un Drama Deportivu sobro la rellación de Paige cola so familia. Pugh protagonizó amás la película de terror d'Ari Aster Midsommar, y apaeció en Little Women xunto con Saoirse Ronan , Timothée Chalamet y Meryl Streep , filme basáu na novela del mesmu nome de Louisa May Alcott , y nuna miniserie de la novela d'espíes de John Le Carré The Little Drummer Girl.
Vida personal Dende 2020 caltién una relación col actor Zach Braff. Salió na so defensa cuando recibió una fola de crítiques en redes sociales arriendes de la so diferencia d'edá.
Filmografía
Cine AñuTítuluPapelNotes2014The FallingAbbie Mortimer2016Lady MacbethKatherine LesterEvening Standard British Film Awards Dublin Film Critics' Circle
British Independent Film Award a meyor actriz
Nominada–European Filme Award a meyor actriz
Nominada–Rising Star Award
Nominada–Empire Award a meyor novata femenina2018The CommuterGwenOutlaw KingIsabel de BurghMalevolentAngela2019Fighting with My FamilySaraya "Paige" BevisMidsommarDaniLittle WomenAmy MarchNomada - Óscar a la meyor actriz de repartu2021Black WidowYelena Belova / Black WidowDon't Worry DarlingAlice
Televisión AñuTítuluPapelNotes2015Studio CityCatPelícula pa televisión2016MarcellaCara Thomas3 episodios2018King LearCordeliaPelícula para televisión2018The Little Drummer GirlCharmian "Charlie" RossMiniserie2021HawkeyeYelena Belova / Black WidowMiniserie
Referencies
Enllaces esternos
Categoría:Actores y actrices de televisión d'Inglaterra Categoría:Actores y actrices de cine d'Inglaterra Categoría:Persones d'Oxford