Irene del Río Peláez moteyada Ille, ye una ex-futbolista asturiana que xugó pal Real Uviéu Femenín y pal Barcelona y representó a España nes seleiciones y .
Biografía Irene del Río estudió n'Uviéu y nel colexu yera la única moza que xugaba'l fútbol. Amás del fútbol, prauticó tamién ximnasia rítmica. Ille xugó nel Uviéu Modernu (dende 2017 Real Uviéu Femenín) 12 temporaes, aportando a capitana del equipu. El so primer partíu col Uviéu na Superliga Femenina foi a los 15 años d'edá. En 2011 ganó Troféu Quini por ser la máxima goliadora del fútbol femenín asturianu de la temporada 2010/11 y tamién el premiu Women's Draft Football Award a la meyor xugadora sub-20.
En xunu de 2015 fichó pol FC Barcelona, campeón de la Primer División nesa temporada. Foi la segunda asturiana en xugar nel Barcelona darréu Montse Tomé. Foi con esti equipo col que participó na Lliga de Campeones Femenina de la UEFA 2015-16, onde llegaron a cuartos de final y perdieron escontra'l Paris Saint-Germain Féminine. Formó parte del equipu que perdió la final de la Copa de la Reina de Fútbol de 2016 escontra l'Atlético de Madrid Femenino, pero que la ganó nel 2017. Na lliga española, algamó la segunda posición nes temporaes 2015–16 y 2016–17.
Seleición española Ille xugó cola , cola que debutó con 15 años d'edá, y la , cola que xugó escontra y En 2011 fizo debutó cola , siendo nesi momentu la única xugadora que nunca xugara en Primer División (el Real Uviéu taba en Segunda nesa temporada). Irene tuvo na llista de preseleición pa la Copa Mundial Femenina de la FIFA 2015 en Canadá, pero finalmente nun foi escoyida pa dir al Mundial.
Carrera posterior En retirándose del fútbol, Irene trabayó como preparadora física nel FC Barcelona Femení na temporada 2019-20.
Referencies
Enllaces esternos
Categoría:Futbolistes d'Uviéu