Carlos Prieto y Fernández de la Llana foi un industrial, financieru, músicu, escritor y mecenes asturianu.
Biografía Yera fíu d'unos tenderos d'Uviéu. Estudió Derechu na Universidá d'Uviéu, tocando na orquésta sinfónica de la ciudá pa pagase los estudios. Llicencióse a los 25 años y, poco depués, llamólu'l so tíu Adolfo Prieto, un fanegueru emigrante asturianu pa que colara pa Méxicu pa trabayar nel departamentu xurídicu d'una de les sos empreses (Fundidora de Aceros y Fierros de Monterrey). El 12 d'ochobre de 1923 cruzó l'Atlánticu y entamó a trabayar col so tíu. Tiempu depués algamó'l cargu de presidente y conseyeru d'esta empresa, a la vez que tuvo'l control de mines (de carbón, plata y fierro), compañíes de seguros, de bancos y propietariu de grandes finques agrícoles y ganaderes, amás d'aiciones en delles compañíes testiles. Foi tamién conseyeru del Bancu de Méxicu, poro, la so firma tuvo nos billetes de moneda del país.
En 1942 nacionalizóse mexicanu. Morrió en 1991, malpenes unos meses depués de que morriera la so esposa. Yera tíu maternu del poeta Carlos Bousoño.
Obres El sueño de Cibolas Los asturianos en la conquista de América La minería en el Nuevo Mundo El oceáno Pacífico Navegantes españoles del siglo XVI Huellas españolas El problema de los costos y la industrialización de México La moderna escuela musical española
Referencies
Enllaces esternos
Categoría:Músicos y músiques d'Asturies Categoría:Persones d'Uviéu Categoría:Empresarios y empresaries d'Asturies Categoría:Mecenes Categoría:Escritores d'Asturies Categoría:Escritores en castellanu Categoría:Alumnáu de la Universidá d'Uviéu