Iron Maiden ye un grupu británicu de Heavy metal procedente de la zona de Leyton, nel East End de Londres; la banda foi formada nel añu 1975 pol baxista Steve Harris, que yera miembru de Gypsy's Kiss y Smiler. El grupu, unu de los nomes más célebres del Rock duru internacional, lleva vendíos 100 millones de discos a lo llargo de la so carrera.
Carrera y estilu El grupu espuntó como unu de los animadores de la llamada NWOBHM (Nueva fola del metal británico) a principios de los años 80, tresformándose n'unu de los artistes de más sonadía nel so tipu. Iron Maiden destaca poles sos guitarres ximielgues, los sos cantares llargos de tonu épicu, les lletres qu'enceten tópicos sobrenaturales o históricos, y el gran espectáculu qu'ufierta en direutu, destacando conciertos a lo llargo de la so carrera, como por casu 'Rock in Rio', 'Donington', 'Ozzfest', 'Monsters of Rock', 'Wacken', el conciertu de Dortmund del añu 2004, o el 'Festival Vía de la Plata'. El grupu tamién actuó n'Asturies, foi'l 24 de mayu de 2003 na ciudá de XixónEl conciertu d'Iron Maiden n'Asturies; el conciertu tuvo llugar nel Palaciu de Deportes de la Guía, énte 9000 espectadores.
Iron Maiden tien una mascota carauterística que nómase 'Eddie' o 'Eddie the Head'https://www.rockaxis.com/rock/noticia/31448/iron-maiden-anuncia-su-nuevo-album-y-presentan-al-eddie-2021/, qu'apaez en numberoses portaes de los trabayos musicales, y nos conciertos.
La banda compónse n'actualidá de Bruce Dickinson (cantante), Steve Harris (baxista), Janick Gers (guitarrista), Dave Murray (guitarrista), Adrian Smith (guitarrista) y Nicko McBrain (batería). Otros miembros que pasaron poles files del grupu son: Paul Di'Anno (cantante), Blaze Bayley (cantante), Dennis Straton (guitarrista) y Clive Burr (batería).
Discografía N'estudiu Iron Maiden (1980)https://www.discogs.com/es/artist/251595-Iron-Maiden Killers (1981) The Number of the Beast (1982) Piece of Mind (1983) Powerslave (1984) Somewhere in Time (1986) Seventh Son of a Seventh Son (1988) No Prayer for the Dying (1990) Fear of the Dark (1992) The X Factor (1995) Virtual XI (1998) Brave New World (2000) Dance of Death (2003) A Matter of Life and Death (2006) The Final Frontier (2010) The Book of Souls (2015) Senjutsu (2021)
En direutu Live After Death (1985) Maiden England (1989) A Real Live One (1993) A Real Dead One (1993) Live at Donington (1993) Rock in Rio (2002) Death on the Road (2005) Flight 666: The Original Soundtrack (2005) En Vivo! (2012)
Referencies
Enllaces esternos
Categoría:Grupos de rock del Reinu Xuníu