Pasapalabra ye un concursu de televisión español emitíu dende'l 24 de xunetu de 2000 en distintes cadenes. Orixinalmente emitíase al traviés de la canal Antena 3, onde permaneció hasta 2006. Un añu dempués, en 2007, el programa camudose a Telecinco, que emitiolu dende esi mesmu añu hasta 2019. Dempués, el concursu terminó tornando a Antena 3 para la so emisión dende'l 13 de mayu de 2020.
Ta basáu nel formatu orixinal británicu The Alphabet Game. Nél, dos concursantes intenten atropar segundos en delles pruebes con palabres, que van sirvir para tener más tiempu para contestar a toles definiciones de la prueba final, llamada «el roscu».
N'España, el concursu foi presentáu por Silvia Jato, Constantino Romero y Jaime Cantizano (n'Antena 3 dende'l 2000 hasta 2006); Christian Gálvez (en Telecinco dende 2007 hasta 2019); y Roberto Lleal (n'Antena 3 dende 2020).
Foi'l concursu qu'apurrió'l mayor premiu de la televisión n'España nel so día (2 190 000 €), récord que-y arrampuñó'l concursu ¡Boom! en 2016 (2 326 500 €) y darréu en 2019 (6 689 700 €).
En 2010, foi galardonáu col premiu especial del xuráu de los Premios Ondas 2010, poles sos 10 años d'ésitu en televisión.
Dende'l so estrenu en Telecinco, el concursu presentáu por Christian Gálvez emitiose de llunes a vienres dende les 20h05 a 21h05 na primer canal de Mediaset España, liderando la so franxa d'emisión a diariu. En xunetu de 2017, el programa foi esaniciáu de la parrilla los sábados y domingos para dexar el so puestu a Viva la vida, tal que asocedió enantes col programa de María Teresa Campos, ¡Qué tiempo tan feliz!.
El 1 d'ochobre de 2019, tres un llargu conflictu polos derechos d'emisión del concursu contra ITV Global Entertainment, el Tribunal Supremu ordenó a Mediaset España cesar darréu la emisión del programa. Mediaset comunicó que nun tomaría una decisión final hasta que recibieren una sentencia. Esa mesma tarde en recibiéndola, Mediaset comunicó públicamente qu'esta sería acatada de forma inmediata y qu'ese mesmu día emitiríase el so últimu programa, siendo sustituyíu por El tirón.
El 19 d'avientu de 2019, publicóse qu'Atresmedia llegara a un alcuerdu con ITV Studios pala emisión del programa dende 2020. D'esta miente, Pasapalabra tornaría a Antena 3, canal en que s'estrenó venti años antes. Nesta etapa, Buendía Estudios produciría'l programa al pie de la mesma ITV, a la que se sumaría nos dos meses vinientes la productora Bumerán TV, a raigañu del alcuerdu d'esta con ITV Studios, pol cual Bumerán TV produciría n'España tolos formatos d'entretenimientu de la compañía británica. El 31 d'avientu de 2019, anuncióse que'l programa volvería nel segundu trimestre de 2020, sustituyendo a ¡Boom! na so franxa, lo que supondría la redistribución tantu de dichu concursu como de ¡Ahora caigo! na parrilla de la canal. El 14 d'abril de 2020 anuncióse que Roberto Lleal sería'l presentador.
Mecánica
En ca programa participen dos concursantes, ayudaos ca un por dos famosos. Na parte principal realícense delles pruebes xugando con pallabres, que tienen como oxetivu atropar segundos pala prueba final. Na parte final, los concursantes tienen d'intentar atinar el máximu númberu de palabres d'un total de 25 que formen El Roscu final de Pasapalabra. El concursante que más palabres atina llévase 1200 euros y vuelve nel siguiente programa. Si unu de los dos concursantes atina les 25 palabres, llévase'l bote que se foi formando colos 6000 euros d'acaldía que daquién non se lu lleve. Si'l concursante lleva'l bote, nun se va llevar el dineru (de 1200 euros per programa) acumuláu mientres los programes anteriores, en casu d'atropar daqué.
Presentadores + Cadena20x20px20x20px20x20pxTotal programes EtapasPrimer etapaSegunda etapaTercer etapa Años 2000 2001 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021 2022 20232024 Silvia Jato colspan="18" 1.193 programes Constantino Romero colspan="2" colspan="21" 31 programes Jaime Cantizano colspan="6" colspan="18" 58 programes Christian Gálvez colspan="7" colspan="5" 3.292 programes Roberto Leal colspan="20" 1.092 programes Manel Fuentes colspan="20" colspan="4" 2 programes NOTAː Silvia Jato ausentóse ente payares de 2002 y xineru de 2003 en coyendo la baxa por maternidá, siendo sustituyida por Constantino Romero
NOTAː Roberto Lleal ausentóse dos programes en septiembre de 2020 por dar positivu en COVID-19, siendo sustituyíu por Manel Fuentes
Pruebes
Pruebes acumulatives de segundos Pruebes realizaes dende'l 10 de setiembre de 2018:
Siella azul: Nun sirve para atropar segundos. El xugador que perdió nel programa anterior nel roscu enfrentase a un concursante nuevu nuna serie d'entrugues, que la so respuesta empieza pola lletra escoyida pol nuevu candidatu d'ente los dos ufiertaes pol presentador. El xugador que falle dos preguntes abandona'l concursu, y l'otru ocupa la siella azul. El concursante que más permanencia consiguió nesta prueba ye Aurora Díaz, hasta que'l 14 d'agostu de 2018 cayó esaniciada.
Una de cuatro: El presentador plantega una entruga y cuatro opciones de respuesta. Si'l concursante atina, la respuesta sume de la pantalla y ye camudada por otra nel so llugar al pie de una nueva entruga. Si falla, salta la vez al compañeru. El presentador fai entrugues mientres 90 segundos. Per cada aciertu l'equipu atropa dos segundos. El 22 de febreru de 2019, Eloína Marcos atinó 16 entrugues consecutives, llogrando 32 segundos, récord hasta la fecha, nel equipu naranxa, que nesi momentu taba lideráu por Jerónimo Hernández y Jorge Cadaval.
La pista musical: Nesta prueba, enfréntense directamente los componentes de los dos equipos en trés veces: primero les invitaes, dempués los concursantes y d'últimes los invitaos de sexu masculín. L'oxetivu d'esta prueba ye aldovinar unu cantar a partir de les pistes que-yos da'l presentador. La pista ye, primero, escuchar unos pocos segundos de dicha cantar. Cada vez que'l presentador acaba de lleer la pista, los participantes tendrán de apertar el pulsiador ya intentar aldovinar. Si fallen, véncese-y la vez al oponente, sucesivamente hasta escosar les 5 pistes que'l presentador puede dar. El númberu de segundos ganaos definínese según les pistes que tuvieren qu'utilizar p'aldovinar el conceutu: si atinase cola primer pista, l'equipu qu'atinara gana 5 segundos, cola segunda, 4 segundos, y asina sucesivamente hasta la última pista, cola cual solo ganaríen un segundu. En llugar de cantar, dacuando escúchense fragmentos de bandes sonores de películes o programes de televisión. Nes pistes de 5, 3 y 1 segundu escúchense cachos del cantar, na de 4 segundos el presentador llee un versu del cantar y na 2 lléese'l títulu del cantar, pero con otres palabres. Si'l cantar ye d'otru idioma, traducese al español.
Sopa de lletres: Los dos equipos tienen qu'afayar les trés palabres rellacionaes con una tema de mancomún que s'atopen ocultes nun panel de 5 lletres per llau. Si l'equipu falla o pasa 5 vegaes, el presentador revela'l panel, y nun suman segundos. Per cada panel completu, dánse-y 5 segundos. Los concursantes tienen 90 segundos pa dir afayando paneles. Anque sobro tiempu, pueden resolver hasta 8 paneles (40 segundos).
¿Ónde tán?: Primero l'equipu que menos segundos tien escueye ente 2 temes. Ye una prueba de memoria que se desenvuelve nun panel de nueve caxellos numberaos y nueve palabres. El participante tien de recordar en qué llugar atopen les palabres que'l presentador lleó primero. Si atina, sigui xugando. Si falla, tolo acertao vuelve despintase y la vez pasa al compañeru. Si un equipu atina más palabres que l'otru ensin completar el panel, llévase 10 segundos; si dambos empaten ensin completar el panel, pártense 5 segundos pa ca equipu; si un equipu completa'l panel, llévase 20 segundos, sacantes que el otru equipu tamién complete'l panel, y pártanse 10 segundos per equipu; y si un equipu nun tien desatapada nenguna palabra al términu del tiempu, non suma.
El roscu Cada concursante, yá individualmente, tien d'atinar nun tiempu de 85 segundos más los acumulaos mientres el programa, 25 palabres del Diccionariu de la llingua española, del Diccionario de uso del español de María Moliner o de conteníu enciclopédico, caúna con una lletra del alfabetu, escuchando de caúna d'elles una definición curtia lleida pol presentador y teniendo como pista qu'empieza o contién la lletra na que s'atope'l concursante nesi momentu. Siempres empieza'l concursante que más segundos tien (si hai empate, favorecese al equipu naranxa). El concursante contesta definiciones mientres nun falle o pida posa diciendo «Pasapalabra», moviéndose la vez al otru concursante. Les veces intercambiense hasta que caúnu termina'l tiempu que tenía asignáu. Si dalgunu de los concursante atina toles palabres, consigue'l bote acumuláu hasta esi programa. De nun ser asina, atrópase una cantidá de 6000 euros al bote, y el concursante que más palabres atinara gana 1200 euros y vuelve participar nel siguiente programa. Nel casu de que dambos concursantes atinaren el mesmu númberu de palabres, el ganador ye quien menos fallos cometiera. Si empátase tamién a fallos, dambos concursantes parten los 1200 euros (600 euros para #ca un) y vuelven participar nel siguiente programa. El concursante que pierde tien una oportunidá na siella azul del siguiente programa.
Na primer etapa d'Antena 3, esta prueba estrella sufrió delles variaciones. Nos sos empiezos, el roscu yera de 28 definiciones (incluyía la K, la LL y la W), y cada concursante disponía de 100 segundos más lo acumulao a lo llargo del programa. Un añu dempués, esaniciáronse les lletres enantes mentaes, dexando pa siempres el roscu con 25 definiciones a atinar, amenorgando'l tiempu de 100 a 90 segundos más lo acumulao pa consiguir llevase'l bote. En 2003 incluyóse otru cambéu, yá que al haber una eliminatoria ca programa nesa dómina, enfrentábense'l concursante que superara dicha eliminatoria y el concursante ganador del anterior programa (mientres un par d'años, de 2003 a 2004-2005, los concursantes, si ganaben el programa, pero ensin llevase'l bote, podíen permanecer nel programa ensin enfrentase a les pruebes) n'igualdá de condiciones, partiendo ca unu con 110 segundos; pero en 2005 volviose a la fórmula habitual de 90 segundos más l'acumuláu nel programa. Otra diferencia yera qu'empezaba siempres el que menos segundos disponía pa la prueba final. Na dómina anterior al euru, el bote xubía per cada programa un millón de pesetes, y el premiu por ganar un programa ensin llevase dichu bote yera de 200.000 pesetes, 100.000 ca unu en casu d'empate a aciertos y fallos al empar.
Hasta'l final de la etapa de Telecinco, si un concursante llevaba'l bote, partía de 6.000 € nel siguiente programa, equivalente a un millón de pesetes na dómina anterior al euru. A partir de la segunda etapa d'Antena 3 el bote empezó a partir de 100.000 €.
Etapes
Primer etapa d'Antena 3 (2000-2006) Empezó a emitise nel añu 2000 n'Antena 3. El programa taba presentáu por Silvia Jato, sacantes mientres l'embaranzu d'esta, siendo sustituyida por Constantino Romero. Yera'l concursu de televisión de más audiencia.
En 2006, la marcha de Silvia Jato a Telecinco provocó'l cambéu de presentador. El nuevu presentador foi Jaime Cantizano.
Col cambéu de presentador, apurrióse'l mayor premio qu'un concursu de televisión d'España apurriera enxamás. El premiu foi de 2 190 000 euros (365 millones de pesetes), que recibió Eduardo Benitu, doblando'l mayor premiu apurríu per este mesmu programa dos años tras, en 2004, cuando Manuel Romero, de Xerez de la Frontera, llogró embolsase la nada despreciable cifra de 1 023 000 euros (170,5 millones de pesetes).
Sicasí, l'audiencia menguaba considerablemente dende mediaos de 2005, polo qu'Antena 3 decidió retirar el concursu de la pantalla n'emitiendo 1282 programes nos sos seis años d'emisión.
Etapa de Telecinco (2007-2019)