El Martes de Campu o Fiesta de la Balesquida ye una fiesta que se fai tolos años n'Uviéu (Asturies) el primer martes dempués de pentecostés (50 díes dempués del Domingu de Resurrección)
L'orixe de la fiesta ye la donación d'un hospital con 10 cames y dellos bienes inmuebles que fizo nel sieglu XIII Velazquita Giraldez, conocida como Doña Balesqueida, al gremiu de sastres y a los probes de la ciudá.
La fiesta entama cola llectura del pregón y la procesión de la Virxe de la Esperanza dende la Capiella de la Balesquida hasta la Ilesia de Santiso'l Real, na plaza d'Alfonsu II (plaza de la Catedral). Dempués repártese el bollu preñáu y la botella vinu y ye tradición dir a comelo pelos parques y zones verdes de la ciudá, al ser día festivu en tol conceyu.
Referencies
Enllaces esternos Sociedad Protectora de la Balesquida
Categoría:Fiestes d'Asturies Categoría:Uviéu