La ilesia del Monesteriu de San Miguel, asitiada na parroquia de Bárzana, nel conceyu asturianu de Tinéu, ye la sola construcción que se caltién del antiguu Monesteriu de Bárzana, fundáu polos condes Vela y Totilde nel sieglu X.
Ilesia miniaturadeimagen|Vista del lláu oeste. L'actual construcción d'estilu románicu, data del sieglu XIII, anque ficiéronse delles igües nos sieglos posteriores. Estructúrase nuna sola nave y ábside semicircular, asitiándose na cabecera la sacristía y un pequeñu absidiolu Absidiolu: N'arquiteutura, capiella secundaria más pequeña que l'ábside, asitiada en xeneral na cabecera y de planta semicircular. abovedáu. Nel lláu norte de la ilesia abriose nel sieglu XVI una capiella.
Del so primitivu edificiu prerrománicu, la ilesia caltién dos portades (nes fachades sur y oeste) y una ventana xeminada Ventana xeminada: N'arquiteutura, ventana de dos arcos idénticos separtaos per una pequeña columna.. Nel interior, tola cabecera ta decorada con pintures murales del sieglu XVI.
La cabera restauración nel templu, fízose en 1990 entamada pola Conseyería d'Educación, Cultura y Deportes, del Principáu d'Asturies.
miniaturadeimagen|Ventana xeminada. La ilesia del Monesteriu de San Miguel de Bárzana, foi declarada pol Principáu d'Asturies, Bien d'lnterés Cultural con categoría de Monumentu, por Decretu 4/93, de 27 de xineru.
Notes
Referencies Esti artículu ye una obra derivada de la disposición relativa al procesu de declaración d'un bien cultural o natural, asoleyada nel BOPA númberu 44, de 23 de febreru de 1993, testu que ta llibre de restricciones conocíes, en virtú del derechu d'autor de conformidá col artículu 13 del Testu Refundíu de la Llei de Propiedá Intelectual (BOE númberu 97, de 22 d'abril de 1996).
Declaración de Bien d'Interés Cultural: http://www.asturias.es/bopa/1993/02/23/19930223.pdf
Ficha de Bien d'Interés Cultural:
Bibliografía Florencio Cobo Arias, Matilde Zarracina Valcarce y Miguel Cores Rambaud: Guía básica de monumentos asturianos. Servicio de Publicaciones del Principado de Asturias. 1987. Pedro Floriano Llorente El monasterio de San Miguel de Bárcena. Revista Archivum, tomo 25. Universidad de Oviedo. 1975. Germán Ramallo Asensio: La zona suroccidental asturiana: Tineo, Cangas del Narcea, Allande, Ibias y Degaña. Revista Liño nº 2. Universidad de Oviedo. 1981.
Enllaces esternos
Categoría:Bienes d'interés cultural d'Asturies Categoría:Ilesies d'Asturies Categoría:Tinéu