Albandi ye una de les doce parroquies del conceyu asturianu de Carreño.
Tien una superficie de Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024., polo que ye la parroquia más pequeña del conceyu. Tien una población de Nomenclátor del INE: Población del padrón continuo por unidad poblacional. (Institutu Nacional d'Estadística)..
Situación y comunicaciones La parroquia d'Albandi asitiase na fastera nororiental del conceyu, llendando col mar Cantábricu al norte y coles parroquies carreñines de Perlora, Priendes y Carrió.
La distancia media con Candás, capital del conceyu, ye d'unos 3,95 km (siendo'l nucleu más cercanu El Monte Morís a 3,30 km y el más llonxanu la urbanización de Xibares, a 4,60 km).
Pue llegase dende Candás a Albandi en tren o per carretera: Llinia F4 "Xixón-Cuideiru" de FEVE, con apeaderu en Xibares. Carretera AS-239.
Xeografía
Llocalidaes
Sitios El Poblao El Pontón
Llugares d'interés
Ilesia de Santiago d'Albandi La ilesia parroquial de Santiago d'Albandi alcuéntrase nel barriu La Rica.
Fue destruyía el 10 d'abril de 1936, nel trescursu d'enfrentamientos previos al iniciu la Guerra Civil Española, siendo l'Arcipreste de Carreño y rexidor de la parroquia Rosendo Mazuelas Arada. Los vecinos de la parroquia aconceyáronse el mesmu 20 de mayu y decidieron faer la construcción n'andecha. Inauguróse ensin denguna solmenidá nel añu 1940.
Arquitectónicamente, la ilesia ye una construcción cenciella d'una nave, onde destaca la espadaña y el corredor.
Dientro alcuéntrense les imáxenes de la Virxe de Santa Rita y de San Antón.
Sablera de Xibares Esta sablera semiurbana d'arena blanca ye un sableru de 800 metros de llargo por 75 metros d'ancho, que se prollonga pa la vecina parroquia de Carrió hasta'l ríu Aboño, que sirve de frontera col conceyu de Xixón. Normalmente, el nivel d'ocupación de la sablera Xibares ye altu.
Tien merenderu, aparcamientu, y accesu pa minusválidos.Páxina queplaya.es
Fiestes 17 de xineru: San Antonio Abad, cola puxa'l ramu. 22 de mayu: Santa Rita. 25 de xunetu: fiesta patronal de Santiagu. Segundu domingu d'agostu: fiesta de la Sacramental.
Referencies
Enllaces esternos
Categoría:Parroquies de Carreño