Каніфоль

Каніфоль, каліфоня ( — калафанійская смала) гарпіус — цвёрдая фракцыя, якая астаецца ад смол хвойных дрэваў пасля адгонкі лятучых рэчываў.

Шклопадобнае крохкае рэчыва ад светла-жоўтага да цёмна-чырвонага колеру. Хімічна — сплаў смаляных кіслот. Не раствараецца ў вадзе. Раствараецца ў ацэтоне, спірце, шкіпінары, бензіне. З асновамі ўтварае солі.

Ужываецца для праклейкі паперы, у электратэхнічнай прамысловасці, у вытворчасці лакаў, лінолеуму, сургучу, замазак.