arXiv.org — найбуйнейшы бясплатны архіў электронных публікацый навуковых артыкулаў і іх прэпрынтаў па фізіцы, матэматыцы, астраноміі, інфарматыцы і біялогіі.
Апісанне Большасць публікацый архіва даступна ў зыходным выглядзе ў фармаце (і яго варыянтах), але можна таксама запампаваць дакументы, якія генеруюцца аўтаматычна ў фарматах PostScript і PDF. Частка артыкулаў выкладваецца аўтарамі ў фарматах, адрозных ад (а менавіта, PDF, PostScript і HTML).
Існуе магчымасць аформіць e-mail-падпіску на спіс новых артыкулаў з іх анатацыямі. Можна падпісацца або на ўсе артыкулы, або на артыкулы толькі па цікавай тэматыцы, напрыклад: вылічальный геаметрыі, дыскрэтнай матэматыцы і інш.
Пры даданні ў архіў публікацыя аўтаматычна дадаецца ў базу цытавання Citebase. Гэта дазваляе ацаніць індэкс цытавання, гэта значыць фармальную прыкмету значнасці артыкула.
Артыкулы, якія выкладваюцца аўтарамі ў архіў, не праходзяць працэдуру навуковага рэцэнзавання (і ў сувязі з гэтым, строга кажучы, не лічацца навуковымі публікацыямі). Мадэратары архіва могуць удакладніць і перакласіфікаваць кірунак (раздзел архіва), у якім з’явіцца артыкул. У студзені 2004 года ў архіве была ўведзена сістэма папярэдняга пацверджання (), у адпаведнасці з якой аўтар, які накіроўвае артыкул, павінен мець статус «даручальніка» () ці артыкул мусіць быць рэкамендаваны іншым даручальнікам; статус даручальніка атрымліваюць аўтаматычна аўтары з прызнаных акадэмічных устаноў. Гэта сістэма дазваляе паменшыць колькасць псеўданавуковых публікацый.
Артыкулы архіва могуць быць зменены іх аўтарамі; пры гэтым, як правіла, застаюцца даступнымі і раннія варыянты.
Гісторыя Архіў быў створаны Полам Джынспаргам Электронны arXiv навукі у 1991 годзе ў Лос-Аламаскай нацыянальнай лабараторыі і першапачаткова прызначаўся для фізічных артыкулаў, але паступова ўзніклі раздзелы, прысвечаныя іншым навукам.
Старое даменнае імя архіва — xxx.lanl.gov было зменена таму, што некаторыя праграмы-фільтры блакіравалі доступ да сайта, успрымаючы xxx як указанне на парнаграфічны змест. Тым не менш старое даменнае імя працягвае падтрымлівацца нароўні з асноўным — arxiv.org. Існуе некалькі дзясяткаў люстэркаў архіва (у тым ліку было люстэрка і ў Расіі, але ў красавіку 2012 года яно было закрыта).
У наш час архіў спансуецца і абслугоўваецца Карнельскім універсітэтам ЗША, часткай чыёй бібліятэкі і лічыцца.
Статыстыка Да канца лістапада 2011 года ў архіве змяшчалася больш за публікацый за ўвесь перыяд існавання, а сярэднямесячнае папаўненне публікацыямі ў 2011 годзе па кірунках склала: Physics: 5709 (65,56 %) astro-ph (Astrophysics/Астрафізіка): 1105 (19,79 %) cond-mat (Condensed Matter/Фізіка кандэнсаванага стану): 1123 (20,11 %) gr-qc (General Relativity and Quantum Cosmology/Агульная тэорыя адноснасці і квантавая касмалогія): 331 (5,93 %) hep-ex (High Energy Physics — Experiment/Фізіка высокіх энергій — эксперымент): 213 (3,81 %) hep-lat (High Energy Physics — Lattice/Фізіка высокіх энергій на рашотцы): 78 (1,40 %) hep-ph (High Energy Physics — Phenomenology/Фізіка высокіх энергій — фенаменалогія): 532 (9,53 %) hep-th (High Energy Physics — Theory/Фізіка высокіх энергій — тэорыя): 457 (8,18 %) math-ph (Mathematical Physics/Матэматычная фізіка): 326 (5,84 %) nlin (Nonlinear Sciences/Нелінейная дынаміка): 124 (1,42 %) nucl-ex (Nuclear Experiment/Ядзерная фізіка — эксперымент): 101 (1,81 %) nucl-th (Nuclear Theory/Ядзерная фізіка — тэорыя): 189 (3,38 %) physics (іншыя раздзелы фізікі): 696 (12,46 %) quant-ph (Quantum Physics/Квантавая фізіка): 434 (7,77 %) math (Mathematics/Матэматыка): 1943 (22,31 %) CoRR (Computer Science — Computing Research Repository/Камп'ютарныя навукі — рэпазітар): 738 (8,47 %) q-bio (Quantitative Biology/Матэматычная біялогія): 113 (1,30 %) q-fin (Quantitative Finance/Фінансавая матэматыка): 46 (0,53 %) stat (Statistics/Статыстыка): 159 (1,83 %) Усяго: 8708 (100 %)/ Такім чынам, кожны месяц дадавалася ў сярэднім 8000—9000 артыкулаў, з якіх асноўная маса даводзіцца на фізіку і матэматыку.
Заўвагі
Крыніцы
Спасылкі
Катэгорыя:Навуковыя сайты Катэгорыя:Электронныя архівы Катэгорыя:Сайты паводле алфавіта Катэгорыя:Сайты, якія з’явіліся ў 1991 годзе Катэгорыя:Адкрытая навука Катэгорыя:Лос-Аламаская нацыянальная лабараторыя Катэгорыя:Сайты ЗША