Бой пад Хашамам (Хушамам), у раёне газавых радовішчаў Хашам (Хушам) і Ат-Табія (правінцыя Дэйр-эз-Зор) — узброены інцыдэнт падчас грамадзянскай вайны ў Сірыі, першае буйное сутыкненне паміж заходняй кааліцыяй, якую ўзначальвалі ЗША, і «Сірыйскімі дэмакратычнымі сіламі» (СДС) з аднаго боку і ўзброенымі фарміраваннямі, якія выступалі на баку сірыйскага ўрада, — з другога. Бой адбыўся ў ноч з 7 на 8 лютага 2018 года.
Канфлікт разгарнуўся тады, калі батальённая тактычная група (узмоцнены батальён) са складу сілаў, якія выступалі на баку сірыйскага ўрада, што мела мэтай захоп газаперапрацоўчага завода, размешчанага на тэрыторыі, якая знаходзілася пасля разгрому «Ісламскай дзяржавы» пад кантролем СДС, падвергнулася масіраваным авіяцыйным і артылерыйскім ударам узброеных сіл ЗША. Гэта прывяло да шматлікіх страт, у тым ліку сярод уваходзячых у склад праўрадавага фарміравання расійскіх кантрактнікаў з так званай групы Вагнера.
14 лютага на пасяджэнні Савета Бяспекі ААН Расія і ЗША далі дыяметральна супрацьлеглыя ацэнкі інцыдэнту. Прадстаўнік Расійскай Федэрацыі пры ААН Васіль Нябензя заявіў, што авіяўдар па сірыйскіх сілах быў нічым не справакаваны, тады як яго амерыканская калега Нікі Хэйлі сцвярджала, што дзеянні заходняй кааліцыі ўяўлялі сабой самаабарону, адлюстраванне нападу на падтрыманыя кааліцыяй апазіцыйныя сірыйскія фарміраванніМосква не исключила гибели россиян в Сирии. Они могли стать жертвами американского авиаудара // Коммерсант.ru, 15.02.2018.
Катэгорыя:ПВК «Вагнер» Катэгорыя:Бітвы грамадзянскай вайны ў Сірыі Катэгорыя:Бітвы паводле алфавіта Катэгорыя:Бітвы ЗША Катэгорыя:Падзеі 7 лютага Катэгорыя:Падзеі 8 лютага Катэгорыя:Люты 2018 года Катэгорыя:Канфлікты 2018 года