Ваенна-паветраныя сілы Кот-д’Івуара () — від войск Узброеных сіл Рэспублікі Кот-д’Івуар. Раней называліся Групай паветранага транспарту і сувязі Кот-д’Івуара (). У 2004 годзе тэхнапарк ВПС краіны быў амаль цалкам знішчаны.
Гісторыя Пасля атрымання незалежнасці ад Францыі ў 1960 годзе Кот-д’Івуар падпісаў з былой метраполіяй шэраг двухбаковых абаронных пагадненняў, паводле якіх французскія ваенныя павінны былі падрыхтаваць лётны склад і паставіць баявыя самалёты. Пастаўкі авіятэхнікі пачаліся ў 1961 годзе з трох самалётаў Douglas C-47 і сямі MH.1521 Broussard. На 1979 год ВПС Кот-д’Івуара мелі толькі адзін транспартны і адзін сувязны самалёты. Першымі рэактыўнымі самалётамі ў ВПС краіны сталі шэсць Alpha Jet CI, набытыя ў кастрычніку 1980 года. Пасля яшчэ адзін быў набыты ў 1983 годзе.
Падчас грамадзянскай вайны 2002—2007 гадоў урад Л. Гбагбо выкарыстоўваў ВПС супраць паўстанцкіх сілГражданская война в Кот-д’Ивуар . Так, 4 лістапада 2004 года прэзідэнт Гбагбо загадаў аднавіць паветраныя налёты на паўстанцаў. 6 лістапада івуарыйскі Су-25 памылкова разбамбіў французскую базу блізу Буаке, забіўшы дзевяць французскіх салдат і амерыканскага рабочага, пераблытаўшы іх з паўстанцамі. У адказ французскія войскі здзейснілі напад на аэрапорт Ямусукра, знішчыўшы два Су-25 і тры верталёты Мі-24, яшчэ два вайсковыя верталёты былі імі збіты над Абіджанам. Праз гадзіну пасля нападу на лагер французская армія ўстанавіла кантроль над аэрапортам Абіджана і запытала падмацавання з базы ў Габоне. Прэзідэнт Гбагбо абвінаваціў Францыю ў падтрымцы паўстанцаўПрезидент Кот-д`Ивуара обвинил Францию в оказании помощи повстанцам .
У 2005 годзе, нягледзячы на эмбарга СБ ААН на аказанне ваеннай дапамогі і пастаўкі зброі ў Кот-д’Івуар, для аднаўлення ваенна-паветраных сіл краіны таемна прыбыла група з 10 авіятэхнікаў з Беларусі і УкраіныУкраина и Белоруссия тайно восстанавливают ВВС Кот-д’Ивуара // Лента.ру, 14 ноября 2005.
На 2007 год, паводле інфармацыі Aviation Week & Space Technology, у эксплуатацыі знаходзіліся шэсць лятальных апаратаў: адзін Ан-32, адзін Cessna 421, два верталёты Eurocopter SA 365 Dauphin, адзін VIP-самалёт Gulfstream IV і адзін верталёт Мі-24. Акрамя таго, Deagel.com паведаміў пра два штурмавікі МіГ-23. Аднак не ўсе лятальныя апараты знаходзіліся ў спраўным стане.
У 2011 годзе ў парушэнне санкцый ААН у краіну былі пастаўлены тры верталёты Мі-24, што выклікала міжнародны скандал. Як мяркуецца, пастаўкі вяліся з Беларусі, аднак дадзеная інфармацыя не была даказана«Вертолетный скандал»: причастность Беларуси не доказана // Naviny.by, 2 марта 2011.
Уніформа і эмблемы Эмблемай ВПС служыць малюнак пчалы і двух крылаў. Эмблему гэтую носяць на версе фуражкі і на пагонах паўсядзённай формы, часам на грудзях над правай кішэняй. Нацыянальных знакаў для пілотаў у Кот-д’Івуары няма, замест гэтага звычайна носяць французскія, мараканскія ці тых краін, дзе атрымалі лётную адукацыю.
Тэхніка НазваВытворчасцьТыпМадыфікацыяКолькасцьЗаўвагіБаявыя самалётыСу-25штурмавікСу-25УБ2Транспартныя самалётыАн-26транспартны самалётАн-26Б2Набыта ў Балгарыі ў чэрвені 2018 годзе.Boeing 727транспартны самалётVIP1Gulfstream IVтранспартны самалёт1ВерталётыAlouette IIIшматмэтавы2AS365 Dauphinшматмэтавы1SA330 Pumaшматмэтавы1AgustaWestland AW139VIP1Мі-24ударны верталёт8пастаўлена Балгарыяй у 2017—2021 і невядомай краінай у 2011Вучэбна-баявыя самалётыAlpha Jet/лёгкі штурмавік і вучэбны самалётневядома
Галерэя
Гл. таксама Авіяцыя Кот-д’Івуара падчас грамадзянскай вайны
Крыніцы
Спасылкі Ivoirian Air Force (Force Aerienne de Cote d’Ivoire — FACI)
Кот-д’Івуар Катэгорыя:З’явіліся ў 1960 годзе Катэгорыя:Кот-д’Івуар