Касцёл Святой Кацярыны () — касцёл у Заграбе, Харватыя, кафедра Заграбскай архіепархіі. Помнік архітэктуры барока, лічыцца адным з найпрыгажэйшых храмаў Заграба. Асвечаны ў гонар Святой Кацярыны.
Размешчаны ў цэнтры горада — у Верхнім горадзе, на плошчы Святой Кацярыны.
Гісторыя На месцы сучаснага касцёла Святой Кацярыны з XIV стагоддзя існаваў дамініканскі касцёл, які падчас турэцкага ўварвання выкарыстоўваўся ў якасці ваеннага складуCrkva Sv. Katarine u Zagrebu i hrvatsko plemstvo .
У першай палове XVII стагоддзя быў перададзены езуітам. Паколькі касцёл быў у занядбаным стане, езуіты пабудавалі на яго месцы ў 1620—1632 гадах новы. Касцёл цалкам згараў пры пажарах у 1645 і 1674 гадоў, але дзякуючы харвацкім магнатам, быў адбудаваны наноў.
Пасля забароны езуітаў (1773) касцёл Св. Кацярыны быў перададзены ў 1783 годзе ў склад парафіі Святога Марка, а з 1874 года стаў кафедрай. У XIX—XX стагоддзях неаднаразова рэканструяваўся.
Апісанне Касцёл — аднанефнае збудаванне з шасцю бакавымі капліцамі і апсідай. У капліцах размешчаны пяць драўляных алтароў (XVII стагоддзе) і адзін мармуровы (1729 год). Інтэр’еры ўпрыгожаны карцінамі Бернарда Бобіча і Антоніа Куадрыа. Скляпенні нефу са сцэнамі з жыцця Святой Кацярыны належаць аўтарству Джуліа Куальі, а алтар Святога Ігната — Франчэска Роба.
Галерэя
Спасылкі
Касцёл Святой Кацярыны ў Заграбе www.zagreb-touristinfo.hr
Катэгорыя:Заграб Катэгорыя:Каталіцкія храмы Харватыі Катэгорыя:Храмы Святой Кацярыны Александрыйскай Катэгорыя:1632 год у Еўропе Катэгорыя:XVII стагоддзе ў Харватыі Катэгорыя:Збудаванні Харватыі ў стылі барока