Бой за Анбаа — адна з бітваў В’етнамскай вайны паміж арміямі ЗША і Паўночнага В’етнама, якая доўжылася з 5 па 6 мая 1968 гады ў правінцыі Біньдзінь. Тут 1-ы батальён 50-га пяхотнага палка арміі ЗША трапіў у засаду 3-й дывізіі Народнай арміі В’етнама.
Бой У рамках майскага наступлення генерал Народнай арміі В’етнама Ту Хюі Ман, камандуючы ваеннай акругай 5, загадаў 3-й дывізіі атакаваць 1-ы батальён 50-га пяхотнага палка арміі ЗША ў правінцыі Біньдзінь. 1-ы батальён грунтаваўся на пасадачнай пляцоўцы Апліфт, за 8 км на поўнач ад горада Фумі.
Раніцай 5 мая 3-я дывізія атакавала пасадачную пляцоўку Салем, за 5 кіламетраў на поўнач ад Апліфт, і пляцоўку Олі, за 8 кіламетраў на поўнач. Камандзір 1-га батальёна падпалкоўнік Джон Б. Картэр адправіў два ўзвода з роты A на разведку ў вёску Анбаа. У 08:00 50 вайскоўцаў у дзевяці M113 пакінулі ПП Апліфт і накіраваліся на поўнач па шашы 1. Да 10:00 яны звярнулі з шашы на захад да вёскі. Байцы перасякалі рысавыя палі і заўважылі ў дрэвах групу прыкладна з пятнаццаці в’етнамцаў. M113 адкрылі агонь з кулямётаў па дрэвах, але не атрымалі ў адказ агню.
Незадоўга да поўдня ваенныя ўтварылі ахоўны перыметр і паабедалі. Калі атрад ужо збіраўся выязджаць, ён быў абстраляны безадкатнымі 75-мм гарматамі і ручнымі супрацьтанкавымі гранатамётамі. Гэта неадкладна вывела са строю пяць з дзевяці БТР. Абстрэлы вяліся з паўночнага захаду, паўночнага ўсходу і паўднёвага ўсходу. Перш чым яго застрэлілі, першы лейтэнант Дэніс Хінтан запытаў падмацаванне і загадаў адыходзіць на ўсход.
Сілы ВНА, якія складаліся з 97-га батальёна 2-га палка і з 7-га і 9-га батальёнаў 22-га палкоў, пачалі набліжацца да пазіцыі амерыканцаў. Два M113 паспрабавалі атакаваць пазіцыі в’етнамцаў, але абодва былі выведзены са строю варожымі РПГ. Быў атакаваны таксама адзін M132. Іншыя 4 M113 і некалькі салдат адступілі да шашы 1, пакінуўшы каля 15 салдат каля выведзеных з ладу БТР на паўночным захадзе.
Джон Картэр загадаў роце C 1-га батальёна 50-га пяхотнага палка і роце B 1-га батальёна 69-га браніраванага палка са сваімі сяммю M48 прыйсці да роты A на дапамогу.
Калі атрад звярнуў з шашы, адзін з танкаў затрымаўся ў гразі. Другі M48 застаўся, каб дапамагчы. Пакінутыя 5 танкаў працягнулі шлях на захад. Рота C дабралася да роты A першай, але пацярпела ад інтэнсіўнага агню, з-за якога былі забіты некалькі чалавек.
Калі прыбылі 5 M48, амерыканскія войскі змаглі адступіць і перагрупавацца, пакуль па лесе наносіліся паветраныя і артылерыйскія ўдары. У 17:00 амерыканскія войскі ізноў змаглі ўступіць у бой. Аднак нягледзячы на паветраныя і артылерыйскія ўдары па лесе, амерыканцы сустрэлі інтэнсіўны супраціў.
Раней сухія рысавыя палі запаўняліся вадой з дамбы, якая была наўмысна адкрыта або разбурана падчас бамбардзіроўкі, і зямля стала занадта бруднай, каб па ёй можна было перасоўвацца. Сілы ЗША адступілі з мэтай стварэння начной абарончай пазіцыі, пакуль працягваліся паветраныя і артылерыйскія ўдары.
У 03:30 в’етнамцы атакавалі паўночна-заходні ўчастак перыметра. З-за агню з мінамётаў і РПГ загінулі тры чалавекі. Пазней раніцай сілы ЗША зноў зайшлі ў лес, аднак знайшлі толькі пустыя баявыя пазіцыі і бункеры — в’етнамцы адступілі.
Літаратура
Катэгорыя:Бітвы ЗША Катэгорыя:Бітвы В’етнама Катэгорыя:Бітвы паводле алфавіта Катэгорыя:1968 год у В’етнаме Катэгорыя:Май 1968 года Катэгорыя:Падзеі 5 мая Катэгорыя:Падзеі 6 мая Катэгорыя:Бітвы і аперацыі В’етнамскай вайны