Ліза Фонсагрыўс

Ліза Фонсагрыўс (; 17 мая 1911, Гётэбарг, Вестра-Гёталанд, Швецыя — 4 лютага 1992, Нью-Ёрк, ЗША) — шведская мадэль, першая вядомая супермадэль.

Біяграфія У дзяцінстве Ліза займалася жывапісам, скульптурай і танцамі. Яна вучылася ў вядомай берлінскай школе Мэры Вігман, дзе вывучала мастацтва і танцы. Звярнуўшыся ў Швецыю, яна адкрыла танцавальную школуRosemary Ranck (9 February 1997). "The First Supermodel". The New York Times. Retrieved 24 September 2006..

Ліза пераехала ў Парыж, каб навучацца балету пасля ўдзелу ў міжнародным конкурсе з харэографам Астрыд Мальмборг і працавала прыватным настаўнікам танцаў у фатографа Фернана Фонсагрыўса, што затым прывяло яе да кар'еры мадэлі.

У 1936 годзе фатограф Вілі Мэйвальд сустрэў яе ў ліфце і папрасіў быць мадэллю для яго капялюшаў, а затым гэтыя фатаграфіі былі адпраўленыя ў Vogue, і галоўны фатограф часопісу зрабіў некалькі пробных здымкаў Лізы.

У ліпені 1939 года яна з'явілася ў нямецкім ілюстраваным тыднёвіку Der Stern. Да таго як Фонсагрыўс прыехала ў Злучаныя Штаты ў тым жа годзе, яна ўжо была топ-мадэллюCrystal Renn & Marjorie Ingall. Hungry: A Young Model's Story of Appetite, Ambition and the Ultimate Embrace. ISBN 1-4391-0123-X..

Яе вобраз з'яўляўся на вокладках многіх часопісаў у 1930-х, 1940-х і 1950-х гадах, напрыклад Town & Country, Life, Time, Vogue і Vanity Fair. Яе называлі «самай высокааплатнай супермадэллю высокай моды», але сама Фонсагрыўс аднойчы апісала сябе як «добрую вешалку для адзення».

Прыватнае жыццё Яна выйшла замуж за парыжскага фатографа Фернана Фонсагрыўса ў 1935 годзе; яны развяліся ў 1949 годзе, а ў 1950 годзе яна выйшла замуж за іншага фатографа Ірвінга Пэна. У іх было двое дзяцей: дачка Міа і сын Том. У 1960-х гадах яна стала скульптарам і была прадстаўлена галерэяй Мальбара на Манхэтэне.

На аўкцыёне Elton John photography collection, праведзеным Christie's 15 кастрычніка 2004 года, фатаграфія Лізы Фонсагрыўс была прададзеная за 57 360 даляраўElton John photo collection nets $900,000 USA Today October 15, 2004..

Катэгорыя:Жанчыны Швецыі Катэгорыя:Фотамадэлі Швецыі