Езекііль Ісаакавіч Ры́ўлін (, Віцебск — , Алма-Ата) — гісторык, педагог і публіцыст, акадэмік Акадэміі навук БССР (1931), прафесар (1931).
Біяграфія Нарадзіўся ў Віцебску. Скончыў Камуністычны ўніверсітэт імя Я. М. Свярдлова ў 1923 годзе і Інстытут чырвонай прафесуры ў 1924 годзе. З 1927 года працаваў у Беларускім дзяржаўным універсітэце. Займаў пасаду дацэнта кафедры гісторыі Захаду, з 1928 года — прарэктар. З 1929 года намеснік Народнага камісара асветы БССР. У 1931—1933 гадах загадчык сектара навукі і культуры ЦК КП(б)Б, дырэктар Інстытута аспірантуры Акадэміі навук БССР і адначасова выкладчык Камуністычнага ўніверсітэта БССР.
6 сакавіка 1933 года быў арыштаваны «за антысавецкую прапаганду і трацкізм». Пастановай Асобай нарады пры НКУС СССР ад 9 ліпеня 1933 года прыгавораны да 3 гадоў турмы. Прыгавор быў заменены высылкай на 3 гады ў Казахстан. У 1933—1957 гадах выкладаў у Кызылардынскім настаўніцкім інстытуце. 9 мая 1956 года быў рэабілітаваны і з 1958 года займаў пасаду загадчыка кафедры методыкі выкладання рускай мовы і літаратуры. У 1963—1971 гадах выкладаў у Казахскім педагагічным інстытуце ў Алма-Аце.
Памёр 7 мая 1978 года.
Навуковая дзейнасць Займаўся даследаваннем германскага сацыял-дэмакратычнага руху, методыкай выкладання рускай мовы і літаратуры ў казахскіх нацыянальных школах і інш. Аўтар больш за 10 навуковых прац, у тым ліку манаграфіі і падручнікаРИВЛИН Езекииль (Евгений) Исаакович // ЦентрАзия .
Сярод апублікаванага Борьба течений в Германское социал-демократии // Под знаменем марксизма. — М., 1926. — № 11; История германской социал-демократии. — Мн., 1928; Аграрная дискуссия в Германской социал-демократической партии. — Мн., 1929.
Узнагароды Узнагароджаны «Знак Пашаны» (1961), медалямі.
Літаратура
Возвращённые имена: Сотрудники АН Беларуси, пострадавшие в период сталинских репрессий / Сост. и авт. предисл. Н. В. Токарев; Под ред. А. С. Махнача. — Мн.: Навука і тэхніка, 1992. — С. 93. — 120 с.: ил. — 1000 экз. — ISBN 5-343-01246-9.
Спасылкі Маракоў Л. У. РЫЎЛІН Езекііль Ісаакавіч // Репрессированные литераторы, учёные, работники образования, общественные и культурные деятели Беларуси, 1794—1991. — Т. I—III. — Т. II. Рыўлін Езекііль Ісакавіч // Віцебская абласная бібліятэка імя У. І. Леніна. РИВЛИН Езекииль (Евгений) Исаакович // ЦентрАзия Езекііль Ісакавіч Рыўлін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі
Катэгорыя:Гісторыкі СССР Катэгорыя:Выкладчыкі ВНУ Алматы Катэгорыя:Педагогі СССР Катэгорыя:Публіцысты СССР Катэгорыя:Рэпрэсаваныя савецкай уладай Катэгорыя:Рэабілітаваныя ў СССР Катэгорыя:Члены КПСС Катэгорыя:Аўтары падручнікаў