Мярэжка — выкананыя шляхам вышморгвання нітак з тканіны карункавыя радкі. Ніткі выдзіраюць толькі ў адным кірунку. Узор утвараецца за кошт збірання асобных нітак у пучкі. Для выканання мярэжкі выкарыстоўваюць тканіны са шчыльнай тэкстурай.
Мярэжка можа прысутнічаць на вырабе як самастойна, так і быць дапоўнена вышыўкай.
Гісторыя
Кашулі з мярэжкамі — часцей за ўсё самыя архаічныя з абрадавых (вясельных і пахавальных). Мярэжкаю яднаюцца ў іх плячо і рукаў, на падоле пазначаюцца рубцы — нізы прадольных швоў паміж полкамі, з якіх шылася доўгая «чарэсная», без папярочных швоў кашуля (сарочка-сцэльніца)Галіна Нячаева. Мярэжы, тэхналогія як магія .
Віды мярэжкі
Па спосабе сцягвання нітак у пучкі адрозніваюць розныя віды мярэжкі:
снавальныя; простыя; мнагарадныя; мярэжкі з насцілам; камбінаваныя. ядзерныя.
Разнавіднасцяў мярэжак мноства. Асноўныя віды мярэжак: пэндзлік, слупок, козлік, жучок, панка, мярэжка, пераплеценая ў сярэдзіне, рэльефная, снавальная і мярэжка-насціл.
Мярэжка «пэндзлік» з’яўляецца як бы асновай усіх астатніх відаў мярэжак і выкарыстоўваецца для падшывання гатовых вырабаў. Пучкі яе складаюцца з 3-5 нітак, зацягнутых з аднаго боку. Астатнія віды мярэжкі выконваюцца па прынцыпе «пэндзліка» са змяненнем спосабаў мацавання — з двух бакоў або з аднаго — і колькасці нітак ва ўзоры.
Дзеясловы
У Матэрыялах для дыялектнага слоўніка Гомельшчыны 1978 года зафіксавана слова памярэжыць (памірэжыць) — упрыгожыць мярэжкайМатэрыялы для дыялектнага слоўніка Гомельшчыны. Частка 4 — Падзорнік памірэжаны красівымі ўзорамі (Пянчын, Б.-Каш.+ Загор’е, Чач.), выкарыстоўваліся таксама варыянты замярэжыцьТлумачальны слоўнік адметнай лексікі ў творах Якуба Коласа (2003). Г. У. Арашонкава, Н. А. Чабатар, намярэжыцьСлоўнік гаворак цэнтральных раёнаў Беларусі (1990). Том 1. А-П. Е. С. Мяцельская.
Крыніцы
Катэгорыя:Вышыўка