Батальён пакутнікаў Сеідаў, або Катаіб Саід аль-Шухада () — іракскае шыіцкае апалчэнне, сфарміраванае ў маі 2013 года.
Адносіны Групоўка лічыцца саюзнай Ірану. Стала адным з першых народных апалчэнняў, якія ў 2014 годзе сфармавалі Сілы народнай мабілізацыі. Мае цесныя сувязі з арганізацыяй Бадра і групоўкай Катаіб Хезбала. Супрацоўнічае з ліванскай партыяй Хезбала. Падтрымлівала сірыйскі ўрад Башара Асада.
Арганізацыя ўступала ў супрацьстаянне з ЗША, а таксама з групоўкамі Ісламская дзяржава, Сірыйская свабодная армія, Фронт аль-Нусра, Хаят Тахрыр аш-Шам.
Зона актыўнасці Арганізацыя месціцца ў іракскай правінцыі Салах-эд-Дзін. Яна таксама актыўна ў Сірыі, дзе яе асноўная ўвага надаецца абароне мячэці Саеда Зейнаб у паўднёвым прыгарадзе горада Дамаск.
Баявыя дзеянні Падчас грамадзянскай вайны ў Іраку ўдзельнічала ў баях за правінцыю Салах-эд-Дзін і другой бітве за Тыкрыт. У Сірыі яна была заўважана ў 2014 годзе ў ходзе сутыкненняў у Шэйх-Міскіне.
Кіраўніцтва «Катаіб Саід аль-Шухада» ўзначалілі Абу Ала аль-Валаі і Абу Мустафа аль-Шэйбані. Апошні раней узначальваў сетку кантрабандыстаў і шыіцкіх баевікоў, з якой потым і з’явілася групоўка.
Гл. таксама Спіс узброеных груповак грамадзянскай вайны ў Іраку (2011—2017) Спецыяльныя групы (Ірак) Прыватныя апалчэнні (Ірак)
Катэгорыя:Праўрадавыя ваенныя арганізацыі Грамадзянскай вайны ў Сірыі Катэгорыя:Іракскія групоўкі, якія змагаюцца супраць ІДІЛ Катэгорыя:Арганізацыі, заснаваныя ў 2013 годзе