Валерый Аляксандравіч Максімовіч (нар. , в. Траянец, Плешчаніцкі раён, Мінская вобласць) — беларускі паэт, літаратуразнаўца, крытык, аўтар вучэбных і вучэбна-метадычных дапаможнікаў для вышэйшай школы і настаўнікаў. Доктар філалагічных навук (2003).

Біяграфія Пасля заканчэння Бялянскай ВШ (1977) і Завішынскай СШ (1979) навучаўся ў тэхнічным вучылішчы № 76 электронікі (г. Мінск), працаваў слесарам-інструментальшчыкам 4 разрада вытворчага аб’яднання «Інтэграл». Служыў у Савецкай арміі (1980—1982, ГДР). Навучаўся на падрыхтоўчым аддзяленні БДУ (1983—1984). У 1989 годзе скончыў філалагічны факультэт Беларускага дзяржаўнага ўніверсітэта па спецыяльнасці «Беларуская і руская мова і літаратура».

Педагагічную працу пачаў у Зарэчанскай базавай школе Лагойскага раёна. У 1989—1992 гадах — аспірант кафедры беларускай літаратуры філалагічнага факультэта БДУ. У 1993 годзе абараніў кандыдацкую дысертацыю на тэму «Паэзія „Узвышша“: эстэтыка слова і асаблівасці паэтычнага майстэрства» (навуковы кіраўнік член-карэспандэнт НАН Беларусі А. А. Лойка). Са снежня 1992 па верасень 2003 год працаваў выкладчыкам, дацэнтам кафедры беларускай літаратуры БДУ.

У 1996 годзе выконваў абавязкі намесніка дэкана філалагічнага факультэта згаданай установы. У 2002 годзе абараніў доктарскую дысертацыю «Тэндэнцыі мадэрнізму ў эстэтычнай ідэнтыфікацыі беларускай літаратуры пачатку ХХ ст.». З кастрычніка 2003 па студзень 2006 года займаў пасаду першага прарэктара Беларускай дзяржаўнай акадэміі мастацтваў. Выконваў абавязкі дырэктара Інстытута літаратуры імя Янкі Купалы НАН Беларусі (2006—2008), намесніка дырэктара Інстытута мовы і літаратуры імя Якуба Коласа і Янкі Купалы НАН Беларусі (2008—2010), намесніка дырэктара па навуковай рабоце Інстытута філасофіі НАН Беларусі (2010—2019). Станам на 2026 год — загадчык аддзела філасофіі літаратуры і эстэтыкі Інстытута філасофіі НАН Беларусі.

Узнагароды Узнагароджаны Ганаровай граматай Адміністрацыі Першамайскага раёна г. Мінска (2005) і лістом з Падзякай ад Прэзідэнта Рэспублікі Беларусь (2006). Лаўрэат прэміі НАН Беларусі (2003).

Крыніцы

Літаратура

Літаратура і мастацтва. — 2012. — 14 верасня (№ 37). — С. 20. Максім Багдановіч : энцыклапедыя. — Мінск, 2011. — С. 328. Минская область : энциклопедия : [в 2 т.]. — Минск, 2007. — Т. 2. — С. 319. Новыя кнігі : па старонках беларускага друку : штомесячны бібліяграфічны бюлетэнь / Нацыянальная бібліятэка Беларусі. — 2011. — № 8. — С. 18 дадатку «Беларускі каляндар, 2012 год». Полымя. — 2012. — № 9. — С. 150—146. Республика Беларусь : энциклопедия : [в 7 т.]. — Минск, 2007. — Т. 4. — С. 622—623. Роднае слова. — 2012. — № 3. — С. 19.

Спасылкі Максімовіч Валерый Аляксандравіч

Катэгорыя:Паэты Беларусі Катэгорыя:Літаратуразнаўцы Беларусі