Антс Антсан (; , , Эстонія — ) — савецкі эстонскі канькабежац, алімпійскі чэмпіён 1964 года на дыстанцыі 1500 м, Чэмпіён Еўропы 1964 года ў мнагабор’і, чэмпіён 1964 года ў мнагабор’і. Заслужаны майстар спорту СССР (1964).
Біяграфія Займаўся тэнісам пад кіраўніцтвам Эвальда Крээ, а таксама лёгкай атлетыкай пад кіраўніцтвам Аляксандра Чыкіна. Трэнерам па канькабежным спорце быў лёгкаатлет Олаф Альман.
У 1961 годзе стаў майстрам спорту. На Алімпіядзе 1964 года заваяваў залаты медаль на дыстанцыі 1500 м. Быў прызнаны найлепшым канькабежцам 1964 года і атрымаў прыз імя нарвежскага канькабежца Оскара Мацісена, атрымаў званне Заслужанага майстра спорту.
З 1964 года выступаў за талінскі ДСА «Калеў». У 1975 годзе скончыў Талінскі педагагічны інстытут імя Эдуарда Вільдэ.
З 1962 па 1970 гады працаваў інструктарам, а ў 1970—1972 гадах трэнерам у ДСА «Калеў», у 1973—1977 гадах быў дырэктарам школы веласіпеднага спорту на веладроме «Калеў», з 1977 года з’яўляўся спартыўным кіраўніком па раёнах Таліна, у 1993—2000 гадах быў кіраўніком і дарадцам аддзела культуры і спорту Цэнтральнай раённай управы Таліна.
Падчас цырымоніі адкрыцця Алімпіяды 1992 года ў Альбервілі Антсан быў сцяганосцам каманды Эстоніі.
Ганаровы член Алімпійскага камітэта Эстоніі (1997), лаўрэат прыза Оскара Мацісена (1964).
Быў у шлюбе з эстонскай актрысай Эвэ Ківі. У 1968 годзе ў пары нарадзіўся сын.
Катэгорыя:Канькабежцы СССР Катэгорыя:Алімпійскія чэмпіёны па канькабежным спорце Катэгорыя:Алімпійскія чэмпіёны ад СССР Катэгорыя:Чэмпіёны зімовых Алімпійскіх гульняў 1964 года Катэгорыя:Канькабежцы на зімовых Алімпійскіх гульнях 1964 года Катэгорыя:Канькабежцы на зімовых Алімпійскіх гульнях 1968 года Катэгорыя:Чэмпіёны Еўропы па канькабежным спорце