Бурлінскі раён () — адміністрацыйна-тэрытарыяльнае ўтварэнне (сельскі раён) і муніцыпальнае ўтварэнне (муніцыпальны раён) у Алтайскім краі Расіі.
Адміністрацыйны цэнтр — сяло Бурла, размешчанае за 450 км ад Барнаула.
Геаграфія Раён размешчаны ў паўночна-заходняй частцы края. Мяжуе з Хабарскім, Нямецкім нацыянальным, Слаўгарадскім раёнамі края, Новасібірскай вобласцю і Рэспублікай Казахстан.
Рэльеф — раўнінны. Запасы гліны, пяску. Клімат — рэзка кантынентальны. Сярэдняя тэмпература студзеня −16,8 °C, ліпеня +20,8 °C. Колькасць атмасферных ападкаў 275 мм. На тэрыторыі раёна маюцца азёры Крывое, Кабанье, Пясчанае, Вялікае Тапольнае, Хамуцінае, працякае рака Бурла.
Глебы цёмна-каштанавыя паўднёвыя чарназёмы. Расліннасць прадстаўлена галоўным чынам стэпавай травой (палын, ціпчак). Насяляюць: са звяроў — казуля, заяц, ліса, суслік; з птушак — качка, гусь, чапля.
Крыніцы
Катэгорыя:Раёны Алтайскага края