Саёра Шарафаўна Рашыдава (; , Джызак) — упаўнаважаны Алій Мажліса Рэспублікі Узбекістан па правах чалавека (омбудсман) з 1995 па 2016 гады.

Біяграфія Рашыдава Саёра Шарафаўна нарадзілася 2 жніўня 1943 года ў г. Джызаку (Рэспубліка Узбекістан) у сям’і вядомага дзяржаўнага дзеяча і пісьменніка .

Пасля заканчэння сярэдняй школы № 43 г. Ташкента ў 1960 годзе паступіла на хімічны факультэт Маскоўскага дзяржаўнага ўніверсітэта. Скончыўшы ўніверсітэт, працавала стажорам-даследчыкам у , вучылася ў вочнай аспірантуры Інстытута хіміі , а пасля абароны кандыдацкай дысертацыі ў 1971 годзе стала працаваць у Інстытуце хіміі, пачынаючы з пасады малодшага навуковага супрацоўніка. З 1979 года яна — кіраўнік аддзела хіміі палімераў, з 1981 г. — дырэктар Інстытута хіміі і фізікі палімераў Акадэміі навук Узбекскай ССР.

C. Ш. Рашыдава — акадэмік Акадэміі навук Рэспублікі Узбекістан, доктар хімічных навук, прафесар, яна падрыхтавала больш за 20 дактароў і кандыдатаў навук, мае каля 300 навуковых публікацый, шэраг манаграфій, 20 аўтарскіх пасведчанняў.

Актыўна ўдзельнічае ў грамадскім жыцці рэспублікі як прэзідэнт Асацыяцыі жанчын-навукоўцаў «Olima». Абіралася дэпутатам Алій Мажліса Рэспублікі Узбекістан першага (1995—1999) і другога (2000—2004) скліканняў.

На сесіі Алій Мажліса Рэспублікі Узбекістан першага склікання ў снежні 1995 года С. Рашыдава была абраная ўпаўнаважаным па правах чалавека (омбудсманам). На гэтай пасадзе яна прапрацавала 4 пяцігадовыя тэрміны.

С. Ш. Рашыдава прымае актыўны ўдзел на шматлікіх міжнародных форумах па правах чалавека. Мае больш за 100 публікацый у сферы правоў чалавека; аўтар і адказны рэдактар шэрагу зборнікаў: «Амбудсманы свету», «Амбудсман ва Узбекістане», «Маніторынг правоў чалавека», «Абарона правоў чалавека ва Узбекістане». З’яўляецца членам рэдакцыйных калегій шэрагу часопісаў: «Дэмакратызацыя і правы чалавека», «Грамадская думка. Правы чалавека» і інш.

Узнагароды

Заслужаны дзеяч навукі Рэспублікі Узбекістан (1993) Ордэн «Дустлік» (1999) Ордэн «Эл-юрт хурмаці» (2003)

Спасылкі

https://web.archive.org/web/20130927122237/http://www.ombudsman.gov.uz/ Біяграфія

Катэгорыя:Хімікі СССР Катэгорыя:Хімікі Узбекістана Катэгорыя:Вучоныя Узбекістана