Сяргей Уладзіміравіч Лукашэвіч () — беларускі дыпламат.
Біяграфія Нарадзіўся ў 1977 годзе ў в. Кунцаўшчына Мінскага раёна Мінскай вобласці (цяпер — у межах Мінска).
У 1999 годзе скончыў факультэт міжнародных адносін Беларускага дзяржаўнага універсітэта па спецыяльнасці «Сусветная эканоміка і міжнародныя эканамічныя адносіны». У 2000—2002 гадах − трэці, другі сакратар аддзела Украіны і Малдовы ўпраўлення краін СНД Міністэрства замежных спраў Рэспублікі Беларусь. У 2002—2006 гадах − другі сакратар Пасольства Рэспублікі Беларусь у Рэспубліцы Узбекістан. У 2006—2008 гадах − трэці, першы сакратар аддзела Лацінскай Амерыкі ўпраўлення Амерыкі Міністэрства замежных спраў Рэспублікі Беларусь. У 2008—2012 гадах − першы сакратар Пасольства Рэспублікі Беларусь у Аргенцінскай Рэспубліцы. У 2012—2014 гадах − першы сакратар, саветнік упраўлення глабальнай палітыкі і гуманітарнага супрацоўніцтва галоўнага ўпраўлення шматбаковай дыпламатыі Міністэрства замежных спраў Рэспублікі Беларусь. У 2014—2016 гадах − саветнік Пасольства Рэспублікі Беларусь у Федэратыўнай Рэспубліцы Бразілія. У 2016—2017 гадах − начальнік аддзела па рабоце з дыпламатычным корпусам службы дзяржаўнага пратакола Міністэрства замежных спраў Рэспублікі Беларусь. У 2017—2019 гадах − намеснік начальніка службы дзяржаўнага пратакола — начальнік аддзела візітаў службы дзяржаўнага пратакола Міністэрства замежных спраў Рэспублікі Беларусь. У 2019—2020 гадах − старшы саветнік Пасольства Рэспублікі Беларусь у Каралеўстве Іспанія. У 2020—2021 гадах − часовы павераны ў справах Рэспублікі Беларусь у Каралеўстве Іспанія. З 20 верасня 2021 г. па 22 красавіка 2024 г. − Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Бразілія. З 6 снежня 2021 г. па 22 красавіка 2024 г. − Надзвычайны і Паўнамоцны Пасол Рэспублікі Беларусь у Рэспубліцы Парагвай і Усходняй Рэспубліцы Уругвай па сумяшчальніцтве.
3 20 мая 2024 года — першы намеснік Міністра замежных спраў Рэспублікі Беларусь.
Скончыў курсы пры Дыпламатычнай акадэміі Міністэрства замежных спраў Індыі. Член Міжнароднай акадэміі навук, тэхналогій, адукацыі і гуманітарных навук (Іспанія). Валодае іспанскай, англійскай, партугальскай мовамі.
Узнагароды Узнагароджаны юбілейным медалём «100 год дыпламатычнай службе Беларусі», нагрудным знакам адрознення Беларускага дзяржаўнага ўніверсітэта «100 гадоў БДУ», памятным медалём «Імператар Педру II» (Бразілія).
Сям’я Жанаты, мае дваіх дзяцей.
Спасылкі Міністр і намеснікі міністра замежных спраў Беларусі (2024)
Катэгорыя:Паслы Беларусі ў Бразіліі Катэгорыя:Паслы Беларусі ва Уругваі Катэгорыя:Намеснікі міністра замежных спраў Рэспублікі Беларусь