Unibuffel — шрыланкійскі MRAP.
Гісторыя Створаны прадпрыемствам Sri Lanka Electrical and Mechanical Engineers (SLEME) на базе паўднёваафрыканскага браневіка Buffel. Работа над стварэннем машыны пачалася ў 1997 годзе. Серыйная вытворчасць запушчана ў 2000 годзеCamp & Heitman, p. 238-239.
Дэбют браневіка адбыўся ў ходзе грамадзянскай вайны ў Шры-Ланцы. У наступным ён выкарыстоўваўся ў міратворчых аперацыях на Гаіці і ў Малі.
У 2019 годзе спецыялісты SLEME мадэрнізавалі Unibuffel, дадаўшы сядзенні з паглынаннем удараў і палепшыўшы абарону. З 2020 года машыны, якія выкарыстоўваліся ў міратворчай місіі ААН у Малі, сталі абсталёўвацца кандыцыянерам.
Апісанне Unibuffel мае закрытае дэсантнае аддзяленне і ўстаноўкі для гармат і кулямётаўCamp & Heitman, p. 239. Звычайна абсталёўваецца 25-мм гарматай Typhoon.
На машыне выкарыстоўваецца рухавік TATA, які лёгка спраўляецца з перасечанай мясцовасцю. MRAP забяспечаны куленепрабівальным шклом, якое першапачаткова імпартавалася з Кітая, але пазнейшыя версіі мелі шкло, вырабленае мясцовымі пастаўшчыкамі.
Крыніцы
Літаратура Surviving the Ride: A Pictorial History of South African-Manufactured Mine-Protected Vehicles by Steve Camp & Helmoed Römer Heitman
Катэгорыя:Бронеаўтамабілі паводле алфавіта