«Стэпавы воўк» () — раман Германа Гесэ, упершыню апублікаваны ў 1927 годзе ў Германіі. На беларускую мову пераклаў Васіль Сёмуха«Стэпавы воўк». Г. Гесэ. Выдавец Зміцер Колас, 2011. — 400 с..
Сюжэт Раман па сваёй структуры з’яўляецца своеасаблівай «кнігай у кнізе». Апавяданне пачынаецца з прадмовы выдаўца, які вырашыў апублікаваць запіскі, пакінутыя яму галоўным героем і азагалоўленыя «Нататкі Гары Галера. Толькі вар’ятам».
Гары Галер знаходзіцца ў цяжкім унутраным крызісе. Падчас блуканняў па горадзе ён сустракае чалавека, які дае яму невялікую кнігу, «Трактат пра Стэпавага Ваўка». Трактат апавядае пра «Гары, па мянушцы Стэпавы Воўк», які, гэтак жа як і пратаганіст рамана, падзяляе сваю асобу на дзве часткі: чалавека высокай духоўнай маралі і жывёлы — ваўка. Пры гэтым у кнізе ўказваецца, што асоба «Гары» з’яўляецца ў рэчаіснасці значна больш складанай і шматграннай, і раскрываюцца яго суіцыдальныя схільнасці.
На наступны дзень, зноў блукаючы па горадзе перад вяртаннем дадому, дзе ён вырашае здзейсніць суіцыд, Гары заходзіць у рэстаран. Там ён сустракае дзяўчыну, якая абяцае яму сустрэчу, што адкладае яго рашэнне пра самагубства. Пры наступнай сустрэчы высвятляецца, што яе клічуць Герміна, і яна просіць забіць яе, калі яна яму загадае.
На працягу рамана не заўсёды зразумела, дзе праходзіць грань паміж унутранымі перажываннямі героя і навакольным светам.
У канцы рамана Гары адкрываецца новая рэальнасць, але каб застацца ў ёй, неабходна ахвяраваць уласным розумам, на што і вырашаецца галоўны герой.
Часта ўнутраную сутнасць Галера Стэпавага Ваўка асацыююць з тым, што Юнг называў ценем, у той час як Герміну асацыююць з анімай.
Крыніцы
Катэгорыя:Кнігі 1927 года Катэгорыя:Раманы Германа Гесэ Катэгорыя:Раманы на нямецкай мове