thumb|Ганс Сакс, адзін з найбольш вядомых мейстэрзінгераў Майстэрзінгеры ( літаратурны майстар-спявак) — нямецкія паэты-спевакі XIV—XVI стст. з бюргерскага рамесна-цэхавага асяроддзя, якія прыйшлі на змену мінезінгерам. Заснавальнік паэзіі майстэрзангу паэт-вандроўнік Г.Фраўэнлаб з Майсена. Творчасць майстэрзінгераў рэгламентавалася зводамі правіл (т.зв. табулатуры), якімі трэба было няўхільна кіравацца. Асноўныя тэмы: біблейскія, рэлігійна-дыдактычныя, гістарычныя (XIV—XV стст.), свецкія, кахання (XVI ст.). Нярэдка выступалі аўтарамі фастнахтшпіляў. Для запісу мелодый выкарыстоўвалі мензуральную натацыю. Найбольш вядома пеўчая школа-гільдыя ў Нюрнбергу (прадстаўнікі — Г.Фольц, Г.Сакс), дзейнасць якой увасоблена ў оперы «Нюрнбергскія майстэрзінгеры» Р.Вагнера (1867 г.)
Літаратура Grimm J. Ueber den altdeutschen Meistergesang. Göttingen, 1811; Wertheim H. Entstehung und Verlauf des deutschen Meistersangs. [s.l.], 1897; Nürnberger Meistersingerprotokolle 1575—1869, in Bibliothek des literarischen Vereins in Stuttgart. Stuttgart, 1898; Mey C. Der Meistersang in Geschichte und Kunst. Leipzig, 1901; Nagel W. Studien zur Geschichte des Meistersangs. Langensalza, 1909; Weber R. Zur Entwicklung und Bedeutung des deutschen Meistersangs im 15 und 16 Jh., 1921; Stammler W. Von Mystik zum Barock, 1400—1600. Stuttgart, 1927;
Катэгорыя:Літаратура Германіі Катэгорыя:Паэты Германіі Катэгорыя:Музыка Сярэдневякоўя