Андрэй Кашперскі () — беларускі кінарэжысёр, сцэнарыст, мантажор, прадзюсар.
Біяграфія Нарадзіўся 27 чэрвеня 1995 года ў Брэсце. Свае першыя аматарскія фільмы пачаў здымаць з сябрамі з дзіцячай пляцоўкі ва ўзросце 12 гадоў. Праз два гады заснаваў творчую групу з 17 чалавек A&B Films, якая здымала кароткаметражныя фільмы ў Брэсце. У 16 гадоў прыняў удзел у кінафестывалях «Смартфільм» і «Творі Гора». У 2017 годзе скончыў Беларускую дзяржаўную акадэмію мастацтваў па спецыяльнасці «рэжысура». Падчас вучобы атрымліваў прэзідэнцкую стыпендыю для таленавітай моладзі. Да моманту заканчэння вучобы ён зняў 11 кароткаметражных фільмаў, у тым ліку некалькі выдатных і ўзнагароджаных на міжнародных фестывалях. Пасля гэтага некаторы час працаваў на Беларускай дзяржаўнай кінастудыі «Беларусьфільм».
У 2018 годзе далучыўся да каманды папулярнага беларускага YouTube канала «Гусін». Для яго ён стварыў сезон серыяла пра гусака па мянушцы Харві, які жыве ў гарадской кватэры. У 2020 годзе разам з акцёрамі Тэатр імя Янкі Купалы Міхаілам Зуем і Дзмітрыем Есяніевічам заснаваў YouTube-канал пад назвай «ChinChinChannel», дзе з’яўляецца рэжысёрам і шоуранерам. Канал высмейвае ўрадавую прапаганду і стэрэатыпных чыноўнікаў. Кашперскі стварае для канала сатырычныя матэрыялы, кліпы і кароткаметражныя фільмы, такія як «Шчучыншчына», які ў 2025 годзе набраў больш за 1,1 мільёна праглядаў. У канцы 2020 года зняў поўнаметражны камедыйны навагодні мюзікл «ЧынЧыны ў краіне цудаў», які трансляваўся на Белсат.
У 2021 годзе разам з камандай «ChinChinChannel» паехаў ва Украіну, дзе здымаў сатырычны серыял «Тут бы Ленін». Пасля здымак каля 1/3 матэрыялу праца была спыненая пачаткам поўнамаштабнай расійска-ўкраінскай вайны ў 2022 годзе. У сакавіку 2022 года пераехаў у Польшчу, дзе жыве і працуе рэжысёрам. Ён з’яўляецца членам Беларускай незалежнай кінаакадэміі. У 2023 годзе зняў чатырохсерыйны серыял «Працэсы», які трансляваўся на YouTube-канале «Вот так», што з’яўляецца часткай тэлеканала Белсат. Серыял атрымаў шматлікія ўзнагароды на фестывалях у Еўропе і ЗША. У 2025 годзе Кашперскі зняў кароткаметражны фільм жахаў: «Суд мёртвых» з Зояй Белахвосцік у галоўнай ролі.
Узнагароды Намінацыя на галоўны прыз у катэгорыі «лепшы фільм» за фільм «Тут быў Саша» у конкурсе «Карочэ» (2017); Спецыяльны прыз за 1-ы эпізод і намінацыя на галоўны прыз за 2-і эпізод серыяла «Працэсы» ў Беларускім конкурсе на кінафестывалі Паўночных і Балтыйскіх краін «Паўночнае ззянне» (2023); Ганаровая згадка за 1-ы эпізод серыяла «Працэсы» ў катэгорыі «Фантастычныя кароткаметражкі» на фестывалі «Fantastic Fest» у Остыне, штат Тэхас (верасень 2023 г.); Перамога серыяла «Працэсы» ў намінацыі «Quick Killer» на Міжнародным фестывалі «Serial Killer» ў Брно (2024).
Творчасць +ФільмаграфіяНазваМоваКадрГодРоляПроцессыбеларуская, рускаясерыял2023Рэжысёр, сцэнарыстЦукарбеларуская, руская4 мін.2023Рэжысёр, сцэнарыстЧинЧины пролетели кукушкойбеларуская, руская21 мін.2023Рэжысёр, сцэнарыст, акцёр, аператарКУЛ (Новости из Беларуси)руская2023Рэжысёр, сцэнарыст, мантажор, акцёрЧинЧины в мундирахрускаясерыялз 2023Рэжысёр, сцэнарыстДетский фильмруская2021АкцёрЧынЧыны ў краіне цудаўбеларуская, руская56 мін.2020Рэжысёр, сцэнарыст, мантажорСлучайный кадррускаясерыялАкцёрГусинрускаясерыял2018 або 2019Рэжысёр, сцэнарыст, мантажор, прадзюсар, аператарHasta La Vista, Babyруская5 мін.2017Рэжысёр, сцэнарыст, мантажор, прадзюсарДрузья по перепискерускаякароткаметражны2017прадзюсарАкуакаруская11 мін.2017Рэжысёр, прадзюсар, аператар, мастакСамый вкусный коферускаякароткаметражны2017Сцэнарыст, мантажор, прадзюсар, аператарТут был Сашабеларуская, руская6 мін.2016Рэжысёр, сцэнарыст, мантажор, прадзюсарКактусруская17 мін.2016Рэжысёр, сцэнарыст, мантажор, прадзюсарВозвращение Мухтара 10рускаясерыял2015АкцёрМузыка внутрируская15 мін.2015Рэжысёр, сцэнарыст, мантажор, прадзюсар, акцёрНе возвращайсяруская8 мін.2013 або 2014Рэжысёр, сцэнарыст, мантажорКнопкаруская35 мін.2014Рэжысёр, сцэнарыст, мантажорВ киноруская8 мін.2014Рэжысёр, сцэнарыст, мантажор, акцёрПод дождёмрускаякароткаметражны2013РэжысёрИндийское фильморуская8 мін.2012Рэжысёр, сцэнарыст
Зноскі
Катэгорыя:Выпускнікі Беларускай акадэміі мастацтваў Катэгорыя:Кінарэжысёры Беларусі Катэгорыя:Нарадзіліся ў 1995 годзе Катэгорыя:Нарадзіліся ў Брэсце