Усевалад Дзмітрыевіч Сафонаў (; , — , ) — расійкі акцёр тэатра і кіно, народны артыст РСФСР (1974).
Біяграфія У 1949 годзе скончыў Вышэйшае тэатральнае вучылішча імя Б. В. Шчукіна (мастацкі кіраўнік курса — Ганна Аляксееўна Арочка) у Маскве, адразу пасля чаго быў заўважаны стваральнікам і мастацкім кіраўніком Маскоўскага дзяржаўнага камернага тэатра Аляксандрам Якаўлевічам Таіравым і запрошаны на працу.
З 1950 года, пасля закрыцця Камернага тэатра Таірава, служыў у Маскоўскім акадэмічным тэатры сатыры.
У 1952 годзе атрымаў працу ў Драматычным тэатры Групы савецкіх войскаў у Германіі (у ГДР), куды ў творчыя камандзіроўкі адпраўлялі найлепшых маладых акцёраў. Іграць у тэатры прыходзілася па тры-чатыры спектаклі ў дзень. Падчас працы ў ГДР Усевалад вывучыў нямецкую мову і свабодна на ёй размаўляў.
Пасля вяртання ў Савецкі Саюз у 1955 годзе быў прыняты ў трупу Тэатра-студыі кінаакцёра пры кінастудыі «Ленфільм» у Ленінградзе і пачаў актыўна здымацца ў кіно. З 1958 года служыў у Тэатры-студыі кінаакцёра ў Маскве.
Першай галоўнай роляй Усевалада Сафонава ў кіно стала роля лейтэнанта Юрыя Кержанцава ў ваенным мастацкім фільме «Салдаты» (1956) рэжысёра Аляксандра Іванова, якая прынесла акцёру першую вядомасць.
Сапраўдную славу Сафонаву прынесла дэтэктыўная стужка «Справа „пярэстых“» (1958) рэжысёра Мікалая Досталя, дзе акцёр сыграў ролю лейтэнанта міліцыі Сяргея Коршунава, оперупаўнаважанага МУРа.
Усесаюзную вядомасць акцёр атрымаў у 1971 годзе пасля выхаду на кінаэкраны краіны драмы рэжысёра Андрэя Смірнова «Беларускі вакзал», у якой Сафонаў выканаў ролю савецкага журналіста Аляксея Кірушына, былога франтавіка.
Памёр Усевалад Сафонаў 6 ліпеня 1992 года ва ўзросце шасцідзесяці шасці гадоў ад раку лёгкіх.
Фільмаграфія (1956) «Салдаты» — лейтэнант Юрый Кержанцаў (1970) «Беларускі вакзал» — Аляксей Канстанцінавіч Кірушын журналіст, былы мінёр-падрыўнік
Катэгорыя:Акцёры Расіі