Magicka — камп’ютарная гульня ў жанры прыгодніцкага экшана, распрацаваная і выпушчаная шведскай кампаніяй Arrowhead Game Studios ў 2011 годзе для Microsoft Windows.
Афіцыйным выдаўцом гульні з’яўляецца Paradox Interactive.
Сюжэт У гульні чацвёра чараўнікоў з духоўнага ордэна змагаюцца супраць злога чараўніка і яго стварэнняў. Свет гульні заснаваны на скандынаўскай міфалогіі, гумарыстычным чытанні гульнявога сусвету Warhammer, гульнях Dungeon Keeper, Diablo, World of Warcraft, Neverwinter Nights, а таксама фільмаў Star Wars, 300 спартанцаў і Монці Пайтан і Святы Грааль. У рэжыме «арэна» бегаюць скрыні на ножках з плоскага свету Тэры Пратчэта.
Гульнявы працэс Magicka з’яўляецца гульнёй у жанры action-adventure з ізаметрычнай графікай (падобнай на Diablo).
Гулец павінен спыніць злога чараўніка. Гульнявая кампанія складаецца з 13 узроўняў.
У адрозненне ад ролевых гульняў у Magicka няма падзелу персанажаў па класах. Кожны герой узброены чароўным кіем для стварэння загавораў і звычайнай зброяй.
Заклінанні і элементы Гульня змяшчае 8 розных элементаў, да пяці з якіх можна выкарыстоўваць адначасова ў амаль любых камбінацыях: Вада Холад Маланка Зямля Агонь Шчыт Магія Жыццё
Дадаткова, некаторыя пары элементаў аўтаматычна пераўтворацца ў адзін новы элемент, які займае адзін слот: Камбінацыя вады і агню стварае элемент Пар Камбінацыя вады і холаду стварае элемент Лёд
Таксама, некаторыя элементы не сумяшчальныя адзін з адным, да прыкладу: Камбінацыя вады і электрычнасці, чараўніка б’е токам Камбінацыя жыццё і магія, знікаюць абодва Камбінацыя шчыта з шчытом, знікаюць абодва
Па ўзроўнях кампаніі раскіданыя скруткі, якія адкрываюць новыя камбінацыі, элементы якіх падсвятляюцца ў меню выбару загавораў. Напрыклад, скрутак «Haste» дазваляе гульцу хутка перамяшчацца і выклікаецца камбінацыяй элементаў Маланка + Магія + Агонь.
Кааператыўны рэжым Для кааператыўнага праходжання ў гульні даступная як сюжэтная кампанія, так і некалькі спецыяльных рэжымаў.
Рэцэнзіі
Партал Absolute Games паставіў гульні 67 %. Аглядальнік адзначыў выдатны гульнявы працэс. Да недахопаў была аднесена агульная недапрацаванасць гульні.
Часопіс «Игромания» паставіў гульні 7.0 балаў з 10-ці, зрабіўшы наступнае заключэнне: «Magicka выйшла на рэдкасць сырой і забагованай. Але назваць яе дрэннай гульнёй язык не паварочваецца».
Узнагароды Ранняя няскончаная версія Magicka была названа «Гульнёй года 08» на Swedish Game Awards 2008 .
Крыніцы
Спасылкі Афіцыйны сайт Афіцыйны сайт Профіль гульні на сайце Absolute Games
Рэцэнзія на сайце «Игромания.ру» Рэцэнзія на сайце Gamer-Info
Катэгорыя:Гульні для Windows Катэгорыя:Відэагульні ў жанры фэнтэзі Катэгорыя:Камп'ютарныя гульні, створаныя на аснове міфалогій народаў свету