Аляксандр Цімафеевіч Пракапенка (, — , ) — беларускі савецкі футбаліст, выступаў на пазіцыі паўабаронцы.
Біяграфія Скончыў сярэднюю школу № 18 горада горада Бабруйска. У пачатку 1960-х гадоў зборная па футболе гэтай школы пяць гадоў запар выйгравала Кубак дружбы для зборных школ Беларусі і Прыбалтыкі. Пачаў гуляць у 1962 у Бабруйску ў дзіцячай камандзе, затым у клубнай камандзе «Будаўнік» (Бабруйск) — 1971/72 (па чэрвень).
Скончыў Беларускі інстытут фізічнай культуры.
Лепшыя гады футбольнай кар’еры прайшлі ў складзе «Дынама» (Мінск) (1972 (з ліпеня) — 1983). У яе складзе стаў чэмпіёнам СССР (1982). У 1983-м адлічаны з каманды за сістэматычнае парушэнне рэжыму. У канцы 1984 года Аляксандра з яго згоды змесцяць у Мазырскі ЛПП, дзе ён правёў год.
Спрабаваў вярнуцца ў «вялікі футбол». Гуляў за «Дняпро» (Магілёў) (1986, па чэрвень), «Нефтчы» (Баку) — 1987 (па красавік).
Дасягненні Правёў адну гульню ў складзе нацыянальнай зборнай СССР (1980). Бронзавы прызёр Алімпійскіх гульняў (1980) (у складзе алімпійскай зборнай СССР правёў 2 гульні) Чэмпіён СССР (1982) Майстар спорту міжнароднага класа (1982) У чэмпіянатах СССР (вышэйшая ліга) — 168 матчаў, 52 гола («Дынама» (Мінск) — 163 матча, 51 гол).
Жыццё пасля футбола У студзені 1989 года зноў адпраўлены ў Мазырскі Лячэбна-працоўны прафілакторый, дзе правёў 2 месяцы. Увечары 29 сакавіка 1989 года калі прыйшоў паесці ў рэстаран гасцініцы «Мінск», адчуў сябе дрэнна і раптоўна памёр.
Пахаваны на могілках у вёсцы Такары, Бабруйскі раён.
Крыніцы
Літаратура Сарычев В. Миг и судьба. — Брест, 2004. — С. 7-22. Энциклопедия «Российский футбол за 100 лет». — М.: Грэгори-Пэйдж, 1997. — ISBN 5-900493/70-9 — С. 433.
Спасылкі
Катэгорыя:Футбалісты СССР Катэгорыя:Ігракі зборнай СССР па футболе Катэгорыя:Ігракі ФК Нефтчы Баку Катэгорыя:Ігракі ФК Дняпро Магілёў Катэгорыя:Ігракі ФК Дынама Мінск