Група армій «B» () — адна з груп армій нацысцкай Германіі падчас Другой сусветнай вайны.
Стварэнне групы. Кампанія на Захадзе 1940 Група армій «B» была створана 12 кастрычніка 1939 г. пасля перайменавання перадыслакаванай з Польшчы на захад групы армій «Поўнач» (). Група армій «B» падчас Французскай кампаніі захапіла Галандыю і Бельгію. У другой частцы кампаніі, па заканчэнні баёў на ўзбярэжжы Ла-Манша, група армій «B» была перадыслакавана на раку р. Сома, адкуль яна нанесла ўдар праз Парыж уздоўж узбярэжжа Атлантычнага акіяна. З 16 жніўня 1940 г. пачалася перадыслакацыя групы армій «B» ва Усходнюю Прусію.
Перад пачаткам кампаніі супраць СССР яна была перайменавана ў групу армій Цэнтр ().
Усходнееўрапейскі тэатр 1942—1943
Ізноў група армій «B» была сфарміравана 9 ліпеня 1942 г. на поўдні савецка-нямецкага фронту са злучэнняў левага крыла групы армій «Поўдзень» (). Яна знаходзілася на паўночным краі наступальнай групоўкі, сфарміраванай для летняга наступу 1942 г., з мэтай захопу Сталінграда і выйсця да Волгі. У лютым 1943 г. акружаныя злучэнні групы армій «B» былі разбіты і ўзяты ў палон пад Сталінградам. 9 лютага 1943 г. рэшткі групы армій «B» былі падзелены паміж групай армій «Цэнтр» і групай армій «Поўдзень».
Заходнееўрапейскі тэатр 1943—1945
Ізноў група армій «B» афіцыйна была створана 19 ліпеня 1943 г. ў Мюнхене. 19 жніўня яна была перадыслакавана ў паўночную Італію, дзе ў яе склад увайшлі раскватараваныя там сухапутныя сілы. 26 лістапада 1943 г. яны былі перададзены ў падначаленне штабу камандавання Поўдня.
2 студзеня 1944 г. група армій «B» перайшла ў падначаленне Камандаванню «Захад» для дзеянняў у раёне ўзбярэжжа Ла-Манша. Падчас высадкі англа-амерыканскіх войскаў у Нармандыі злучэнні групы армій апынуліся на паўночным крыле Заходняга фронту. Нягледзячы на супраціўленне, войскі групы армій «B» былі змушаны адступіць, частка падраздзяленняў была акружана каля Фалеза. У Ардэнах танкавыя злучэнні групы армій «B» бралі ўдзел у наступленні, аднак, не дасягнуўшы мэты аперацыі, былі змушаны перайсці да абароны. Падчас далейшага адступлення група армій «B» патрапіла ў акружэнне ў раёне Рура і 17 красавіка 1945 г. капітулявала.
Камандуючыя генерал-палкоўнік Федар фон Бок (12.10.1939-19.07.1940) генерал-фельдмаршал Федар фон Бок (20.07.1940-21.06.1941) генерал-фельдмаршал Федар фон Бок (09.07.1942-15.07.1942) генерал-палкоўнік Максіміліян фон Вейхс (16.07.1942-31.01.1943) генерал-фельдмаршал Максіміліян фон Вейхс (01.02.1943-14.07.1943) генерал-фельдмаршал Эрвін Ромель (15.07.1943-19.07.1944) генерал-фельдмаршал Ханс Гюнтэр фон Клюгэ (20.07.1944-17.08.1944) генерал-фельдмаршал Вальтэр Модэль (17.08.1944-17.04.1945)
Баявы склад групы войскаў «В» Май 1940 г. штаб групы армій «В» 537-ы полк сувязі групы армій «В» 6-я армія — камандуючы генерал-палкоўнік Вальтэр фон Райхенау 18-я армія — камандуючы генерал артылерыі Георг фон Кюхлер Жнівень 1942 г. штаб групы армій «В» 605-ы полк сувязі групы армій «В» 6-я армія — камандуючы генерал танкавых войск Фрыдрых Паўлюс 2-я армія — камандуючы генерал пяхоты Ганс фон Зальмут 4-я танкавая армія — камандуючы генерал-палкоўнік Герман Гот 8-я італьянская армія — камандуючы генерал арміі Італа Гарыбольдзі 2-я венгерская армія — камандуючы генерал-палкоўнік Густаў Яні Лістапад 1942 г. штаб групы армій «В» 605-ы полк сувязі групы армій «В» 6-я армія — камандуючы генерал танкавых войск Фрыдрых Паўлюс 2-я армія- камандуючы генерал ад інфантэрыі Ганс фон Зальмут 4-я танкавая армія — камандуючы генерал-палкоўнік Герман Гот 8-я італьянская армія — камандуючы генерал арміі Італа Гарыбольдзі 2-я венгерская армія — камандуючы генерал-палкоўнік Густаў Яні 3-я румынская армія — камандуючы генерал-палкоўнік Пётрэ Думітрэску 4-я румынская армія — камандуючы генерал-палкоўнік Канстанцін Канстанцінэску Чэрвень 1944 г. штаб групы армій «В» 605-ы полк сувязі групы армій «В» 7-я армія — камандуючы генерал-палкоўнік Фрыдрых Дольман 15-я армія — камандуючы генерал-палкоўнік Ганс фон Зальмут Студзень 1945 г. штаб групы армій «В» 605-ы полк сувязі групы армій «В» 7-я армія — камандуючы генерал пяхоты Эрых Брандэнбургер 15-я армія — камандуючы генерал пяхоты Густаў фон Цанген
Літаратура Буркхарт Мюллер-Гиллебранд. Сухопутная армия Германии, 1939—1945 гг. — М.: Изографус, Эксмо, 2002. — 800 с. — 5000 экз. — ISBN 5-94661-041-4 Залесский К. А. Вооружённые силы III Рейха. Полная энциклопедия. Вермахт, люфтваффе, кригсмарине. — М.: Эксмо, 2008. — 944 с. — 4000 экз. — ISBN 978-5-903339-73-0
Катэгорыя:Нямецкія групы армій у Другой сусветнай вайне