Гульня́-ко́нкурс «Зубраня́» — інтэлектуальны конкурс, які штогод арганізуе Беларуская асацыяцыя «Конкурс» сумесна з Акадэміяй паслядыпломнай адукацыі пры падтрымцы Міністэрства адукацыі Рэспублікі Беларусь.

Упершыню конкурс быў праведзены ў маі 1997 года.

Аб конкурсе

Агульныя палажэнні

Гульня-конкурс «Зубраня»http://www.bakonkurs.org/zubrenok.html Оргкомитет игры-конкурса по физике «Зубрёнок». праводзіцца з мэтай развіцця і падтрымкі цікавасці школьнікаў да вывучэння фізікі.

Конкурс праводзіцца па правілах міжнароднага матэматычнага конкурсу «Кенгуру». У адрозненне ад алімпіяд, удзельнікамі конкурсу «Зубраня» могуць быць усе вучні 3-11 класаў. Папярэдні адбор удзельнікаў не праводзіцца.

Удзел у конкурсе платны. Арганізацыйныя ўзносы расходуюцца на арганізацыю конкурсу, набыццё прызоў.

Правілы правядзення конкурсу Конкурс праводзіцца ў тых школах, ліцэях, гімназіях, дзе навучаюцца ўдзельнікі, у адзін і той жа дзень і час. Работа непасрэдна над заданнем працягваецца роўна 1 гадзіну 15 хвілін. У час выканання задання ўдзельнікам забараняецца карыстацца камп’ютарамі, калькулятарамі, даведачнай літаратурай, падручнікамі, канспектамі і г. д. Кожны ўдзельнік выконвае заданне самастойна.

Удзельнікам конкурсу прапаноўваецца заданне з 30 пытанняў. Кожнае пытанне мае 5 варыянтаў адказаў, сярод якіх толькі адзін слушны. На старце кожны ўдзельнік атрымлівае 30 балаў.

За кожны слушны адказ у залежнасці ад складанасці пытання ўдзельніку налічаюцца 3, 4 ці 5 балаў. За кожны няслушны адказ аднімаюцца адпаведна 3/4, 1 ці 5/4 бала. За адсутнасць адказу балы не налічаюцца і не аднімаюцца. Складанасць пытанняў вызначаецца паводле колькасці ўдзельнікаў, што адказалі на іх слушна. 10 найбольш лёгкіх пытанняў ацэньваюцца па 3 балы, 10 найбольш цяжкіх пытанняў ацэньваюцца па 5 балаў, астатнія 10 пытанняў ацэньваюцца па 4 балы. Пераможцы конкурсу вызначаюцца паводле найбольшай колькасці набраных балаў.

Максімальная колькасць балаў, што можа набраць удзельнік, — 150.

Падвядзенне вынікаў і ўзнагароджанне ўдзельнікаў У конкурсе ніхто не прайграе: незалежна ад выніку, кожны ўдзельнік атрымлівае прыз «для ўсіх». Прадугледжана дадатковае заахвочванне ўдзельнікаў, якія паказалі лепшыя вынікі ў сваіх раёнах (гарадах), абласцях і краіне.

Выніковыя пратаколы і прызы ўручаюцца ўдзельнікам конкурсу праз раённыя (гарадскія) і школьныя арганізацыйныя камітэты праз 2-3 месяцы пасля даты правядзення конкурсу.

Камандныя вынікі паміж класамі, школамі, раёнамі і абласцямі не падводзяцца.

Колькасць удзельнікаў конкурсу За кароткі час конкурс набыў шырокую вядомасць і папулярнасць у беларускіх школьнікаў і педагагічнай супольнасці краіны.

У конкурсе «Зубраня-2011» прынялі ўдзел 39540 вучняў з 2289 устаноў адукацыі 147 раёнаў (гарадоў) Беларусі.

Прызы

Кожнаму ўдзельніку ўручаецца пасведчанне ўдзельніка конкурсу «Зубраня», кнігі па фізіцы, значкі, календары. Удзельнікі конкурсу, якія паказалі лепшыя вынікі ў краіне, у абласцях і раёнах, узнагароджваюцца адпаведнымі сувенірнымі медалямі.

Кнігі па фізіцы, выдадзеныя ў якасці прыза пераможцам конкурсу (усе рускамоўныя): 2005. Алімпіяды па фізіцы 2003—2004 гг.Кембровский, Г. С. Олимпиады по физике 2003—2004 гг. / Г. С. Кембровский, Л. Г. Маркович, А. И. Слободянюк. — Мн.: Бел. ассоц. «Конкурс», 2006. — 176 с. 2006. Геаметрычная оптыка ў школеКембровский Г. С., Геометрическая оптика в школе. / Г. С. Кембровский. — Мн.: Бел. ассоц. «Конкурс», 2006.. 2007. Фізіка для зуброўСлободянюк, А. И. Физика для зубров / А. И. Слободянюк., Л. Г. Маркович. — Мн.: Белорус. ассоц. «Конкурс», 2007. — 160 с.: ил.. 2009. Фізіка для выбраных. МеханікаСлободянюк, А. И. Физика для избранных. Механика / А. И. Слободянюк. — Минск.: Белорус. ассоц. «Конкурс», 2009. — 288 с.: ил.. 2010. Фізіка для выбраных. Электрастатыка. Пастаянны электрычны токСлободянюк, А. И. Физика для избранных. Электростатика. Постоянный электрический ток / А. И. Слободянюк. — Минск.: Белорус. ассоц. «Конкурс», 2010. — 288 с.: ил.. 2011. Фізіка для выбраных. Магнітастатыка. Электрадынаміка. Тэорыя ваганняўСлободянюк, А. И. Физика для избранных. Магнитостатика. Электродинамика. Теория колебаний / А. И. Слободянюк. — Минск.: Белорус. ассоц. «Конкурс», 2011. — 448 с.: ил..

Кнігі па фізіцы, выдадзеныя ў якасці прыза ўсім удзельнікам конкурсу: 2004. Конкурс-гульня па фізіцы «Зубраня»Конкурс-игра по физике «Зубрёнок»: Условия, ответы, статистика / М-во образования, Респ. Беларусь, Акад. последиплом. образования, Бел. ассоц. «Конкурс» / Авт.-сост. А. Н. Годлевская и др. — Мн.: ОО "Бел. ассоц. «Конкурс», 2004 — 64 с.: ил.. 2005. Фізічны калейдаскопФизический калейдоскоп / Бел. ассоц. «Конкурс»; авт.-сост.: А. Г. Андреева [и др.]. — Мн.: ОО "Бел. ассоц. «Конкурс», 2005.. 2006. Зорны калейдаскоп, або Нясумная фізіка космасуЗвездный калейдоскоп, или Нескучная физика космоса. / авт.-сост.: Е. Н. Володько, Т. Н. Граборенко, А. Э. Плетнев, А. Г. Сугакевіч — Мн.: ОО "Бел. ассоц. «Конкурс», 2006.. 2007. Каляндар юнага фізіка 2007—2008Календарь юного физика 2007—2008 / авт.-сост.: Е. Н. Володько, А. Э. Плетнев, А. Г. Сугакевич — Минск: "Белорус. ассоц. «Конкурс», 2007. − 128 с.: ил.. 2008. Партфоліа вучня па фізіцыЗапрудский, Н. И. Портфолио ученика по физике. — Минск: Белорус. ассоц. «Конкурс», 2008. — 112 с.. 2009. Каляндар юнага фізіка 2009—2010Календарь юного физика 2009—2010 / сост. Е. Н. Володько, Т. Н. Граборенко, А. Э. Плетнев, А. Г. Сугакевич — Минск: Белорус. ассоц. «Конкурс», 2009. — 128 с.: ил.. 2010. Каляндар юнага фізіка 2010—2011Календарь юного физика 2010—2011 / сост. Е. Н. Володько, Т. Н. Граборенко, А. Э. Плетнев, А. Г. Сугакевич — Минск: Белорус. ассоц. «Конкурс», 2010. — 96 с.: ил.. 2011. Гульня-конкурс па фізіцы «Зубраня»: заданні 2004—2008 гадоўИгра-конкурс по физике «Зубрёнок»: задания 2004—2008 годов / сост. А. Н. Годлевская, Г. Н. Нехай. — Минск: Белорус. ассоц. «Конкурс», 2011. — 112 с.: ил..

Спасылкі Міжнародны матэматычны конкурс «Кенгуру».

Катэгорыя:Папулярызацыя навукі Катэгорыя:Прадметныя алімпіяды Катэгорыя:Адукацыя ў Беларусі Катэгорыя:Сярэдняя адукацыя Катэгорыя:Беларуская асацыяцыя «Конкурс»