Вуша́н звычайны (Plecotus auritus) — млекакормячая жывёла атрада рукакрылых.
Апісанне Даўжыня цела 4,2—5,4 см, хваста да 5,2, вушэй да 4 см, маса да 10,5 г. Поўсць мяккая шаўкавістая, зверху палева-буравата-шэрая з карычневым адценнем, знізу шэра-белавата палевая. Палёт хуткі, нераўнамерны.
Пашырэнне Пашыраны ў Еўразіі, Паўночнай Афрыцы; на Беларусі трапляецца ўсюды, нешматлікі. Аселы. Жыве пад адсталай карой, на гарышчах, за аканіцамі, у дуплах, зімой — у скляпах, падвалах, бульбяных ямах і інш.
Асаблівасці біялогіі Палюе ноччу без перапынку на невялікай вышыні па ўзлесках, лясных прасеках, у кронах дрэў паркаў і садоў, уздоўж дарог, над вадаёмамі. Знішчае лускакрылых насякомых, пераважна шкоднікаў сельскай і лясной гаспадаркі.
Нараджае 1, зрэдку 2 дзіцянят.
Літаратура Вушан //
Катэгорыя:Гладканосыя лятучыя мышы Катэгорыя:Жывёлы, апісаныя ў 1758 годзе