Аркадзь Арэхва (, — , Спрынгфілд, Масачусетс, ЗША) — беларускі грамадскі дзеяч, юрыст.
Біяграфія Скончыў юрыдычны факультэт Варшаўскага ўніверсітэта. Падчас нямецкай акупацыі працаваў у аддзеле судоў Мінскай гарадской управы, стае сябрам Беларускай незалежніцкай партыі. Прымаў удзел у царкоўным саборы 1942 г. Вясной 1944 г. працаваў у Сакратарыяце Беларускай цэнтральнай рады (БЦР). З 20 мая 1944 г. прызначаны пракурорам Мінскай акругі. У чэрвені 1944 — дэлегат Другога Ўсебеларускага кангрэсу.
З ліпеня 1944 г. на эміграцыі. Працаваў у Статутнай камісіі БЦР у Берліне. У 1953 г. скончыў медыцынскі ўніверсітэт Мюнхенскага ўніверсітэта. Узначальваў Дэлегатуру БЦР на паўднёвую Германію. У 1953 г. разам з жонкай Вольгай і двума сынамі, Юркай і Васілём, пераехаў у ЗША.
Актывіст Беларускай цэнтральнай рады: з 1953 г. — сакратар унутраных спраў і веравызнанняў, потым — віцэ-старшыня выканаўчага органа, кіраўнік замежнага аддзела. Cябра Беларускага кангрэсавага камітэту Амерыкі. Адзін з рэдактараў «Беларускага слова». З 31 кастрычніка 1955 г. узначаліў Выканаўчы орган БЦР. У 1959 г. згарнуў грамадскую дзейнасць. Выехаў у Дыксан (Ілінойс), дзе працаваў доктарам.
Крыніцы
Літаратура Адзінец, А. Паваенная эміграцыя: скрыжаваньні лёсаў: зборнік успамінаў / Аляксандар Адзінец; Камэнт. А. Гардзіенка. — Мн.: Медисонт, 2007. — 703 с., л. іл. — С. 637. — (Бібліятэка Бацькаўшчыны; Кн. 11). — ISBN 978-985-6530-47-3. Гардзіенка, А. Беларуская Цэнтральная Рада (БЦР): стварэнне, дзейнасць, заняпад, 1943—1995 / Алег Гардзіенка; прадм. В. Кіпеля, Я. Запрудніка. — Мн.: Кнігазбор, 2016. — 478 с., л. іл. — С. 411. — (Бібліятэка Бацькаўшчыны; Кн. 29). — ISBN 978-985-7144-02-0.
Катэгорыя:Выпускнікі Варшаўскага ўніверсітэта Катэгорыя:Грамадскія дзеячы Беларусі Катэгорыя:Юрысты Беларусі Катэгорыя:Юрысты паводле алфавіта Катэгорыя:Удзельнікі Другога Усебеларускага кангрэса Катэгорыя:Постаці беларускай эміграцыі Катэгорыя:Беларусы ў Германіі Катэгорыя:Беларусы ў ЗША Катэгорыя:Члены Беларускай цэнтральнай рады Катэгорыя:Члены Беларускай незалежніцкай партыі Катэгорыя:Члены Беларускага кангрэсавага камітэту Амерыкі Катэгорыя:Памерлі ў Спрынгфілдзе (Масачусетс)